On Approval of Procedures and Conditions for Placing Persons in and Taking Persons out of Specialised Institutions

მუხლი 1.

შემდგომში – შშმ

რეგულირების სფერო

ეს წესი განსაზღვრავს ბავშვთა სააღმზრდელო დაწესებულებაში, ბავშვთა სახლში, ხანდაზმულთა პანსიონატში, შეზღუდული შესაძლებლობის მქონე () პირთა პანსიონატში, სათემო ორგანიზაციაში, მცირე საოჯახო ტიპის სახლში და დღის ცენტრში (შემდგომში – სპეციალიზებული დაწესებულება) პირის მოთავსების და დაწესებულებიდან მისი გაყვანის წესსა და პირობებს, ამ მომსახურების მიმღებ პირებს, კომპეტენტური ორგანოების უფლება-მოვალეობებს, ურთიერთობებს, რომელიც დაკავშირებულია პირის სპეციალიზებული დაწესებულების მომსახურებით სარგებლობასთან.

მუხლი 2.

თანადაფინანსებას

ტერმინთა განმარტება

1. სამინისტრო – საქართველოს შრომის, ჯანმრთელობისა და სოციალური დაცვის სამინისტრო.

2. კომპეტენტური ორგანო – ადგილობრივი თვითმმართველობის ორგანო, რომელიც თავისი კომპეტენციის ფარგლებში უზრუნველყოფს პირის სპეციალიზებულ დაწესებულებაში დაფინანსებას () ან სააგენტო;

3. სააგენტო – საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირი – სოციალური მომსახურების სააგენტო.

4. რეგიონული საბჭო – სააგენტოს, როგორც მეურვეობისა და მზრუნველობის ორგანოს, სათათბირო ორგანო, რომლის უფლებამოსილება და ფუნქციები განისაზღვრება კანონმდებლობით.

5. მომსახურების მიმწოდებელი – სპეციალიზებული დაწესებულებები (ბავშვთა სააღმზრდელო დაწესებულება, ბავშვთა სახლი, ხანდაზმულთა პანსიონატი, შშმ პირთა პანსიონატი, სათემო ორგანიზაცია, მცირე საოჯახო ტიპის სახლი და დღის ცენტრი).

6. მომსახურების მიმწოდებელი სააგენტო – საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირი – შეზღუდული შესაძლებლობის მქონე პირთა, ხანდაზმულთა და მზრუნველობამოკლებულ ბავშვთა მომსახურების სააგენტო.

7. ობოლი ბავშვი –18 წლამდე ასაკის პირი, რომელსაც არ ჰყავს არც ერთი მშობელი.

8. მზრუნველობამოკლებული ბავშვი – 18 წლამდე ასაკის პირი:

ა) რომლის მშობელი (მშობლები) სასამართლომ აღიარა ქმედუუნაროდ, უგზო-უკვლოდ დაკარგულად ან გარდაცვლილად;

ბ) რომელიც არის ობოლი ბავშვი;

გ) რომლის მშობელს (მშობლებს) ჩამოერთვა (ჩამოერთვათ), შეუჩერდა (შეუჩერდათ) ან შეეზღუდა (შეეზღუდათ) მშობლის უფლებები და მოვალეობები კანონმდებლობით დადგენილი წესით;

დ) რომელიც აღიარებულ იქნა მიტოვებულ ბავშვად;

ე) მისი დატოვება მშობელთან (მშობლებთან) ან მეურვესთან/მზრუნველთან მისგან დამოუკიდებელი მიზეზებით ბავშვისთვის საზიანოა.

9. ნაპოვნი ბავშვი – 18 წლამდე პირი, რომლის აღმოჩენის მომენტში და ამ მომენტიდან 6 კვირის ვადაში ვერ დადგინდა მისი ან/და მისი მშობლის (მშობლების) ვინაობა, მისი მიტოვებულ ბავშვად აღიარებამდე;

10. ხანდაზმული – მამაკაცი 65 წლის ასაკიდან და ქალი 60 წლის ასაკიდან;

11. დაინტერესებული მხარე (განმცხადებელი):

ა) სპეციალიზებულ დაწესებულებაში მოთავსების მსურველი;

ბ) სპეციალიზებულ დაწესებულებაში მოსათავსებელი პირის კანონიერი წარმომადგენელი;

გ) ადგილობრივი თვითმმართველობის ორგანო, თუ სპეციალიზებულ დაწესებულებაში მოთავსების მსურველი მარტოხელაა და არ შეუძლია განცხადების დამოუკიდებლად წარდგენა;

დ) სასამართლო;

ე) სააგენტო;

ვ) მომსახურების მიმწოდებელი სააგენტო, თუ საჭიროა ბენეფიციარის ამავე სააგენტოს შემადგენლობაში შემავალი ერთი მომსახურების ობიექტიდან მეორე ობიექტში გადაყვანა.

12. ბენეფიციარი – სპეციალიზებული დაწესებულების მომსახურების მიმღები პირი:

ა) მზრუნველობამოკლებული ბავშვი;

ბ) შეზღუდული შესაძლებლობის მქონე პირი;

გ) სრულწლოვანი, რომელიც არის ბავშვთა სააღმზრდელო დაწესებულების, ბავშვთა სახლის ან მცირე საოჯახო ტიპის სახლის ბენეფიციარი და ვერ იქნა რეინტეგრირებული ან შვილად აყვანილი;

დ) ხანდაზმული.

13. მაძიებელი – სპეციალიზებულ დაწესებულებაში მოსათავსებელი პირი.

14. კანონიერი წარმომადგენელი – არასრულწლოვანი მაძიებლის ან ბენეფიციარის შემთხვევაში – მშობელი, მეურვე, მზრუნველი; ქმედუუნარო მაძიებლის ან ბენეფიციარის შემთხვევაში – მეურვე; შეზღუდულ ქმედუნარიანი მაძიებლის ან ბენეფიციარის შემთხვევაში – მზრუნველი, ქმედუნარიანი მაძიებლის ან ბენეფიციარის შემთხვევაში – მისი მხრიდან სათანადო უფლებამოსილებით (რწმუნებულება) აღჭურვილი პირი.

მუხლი 3.

განმცხადებელმა

სპეციალიზებულ დაწესებულებაში პირის მოთავსების შესახებ მიმართვა და სამიზნე ჯგუფი

1. დაინტერესებულმა მხარემ () სახელმწიფო ბიუჯეტის დაფინანსებაზე მყოფ სპეციალიზებულ დაწესებულებაში პირის მოთავსების შესახებ უნდა მიმართოს სააგენტოს, შეავსოს სპეციალური ფორმის განცხადების ფორმა (დანართი №2) და დაურთოს შემდეგი დოკუმენტები:

ა) ხანდაზმულთა პანსიონატში ხანდაზმულის მოსათავსებლად:

ა.ა) მაძიებლის პირადობის დამადასტურებელი საბუთი (მოქალაქის პირადობის მოწმობა ან პასპორტი) და მისი ასლი;

ა.ბ) მაძიებლის ჯანმრთელობის მდგომარეობის შესახებ ცნობა (სამედიცინო დოკუმენტაცია ფორმა №IV-100/ა);

ა.გ) მაძიებლის ერთი ფოტოსურათი (3X4);

ა.დ) მაძიებლის შეზღუდული შესაძლებლობის მქონე პირის სტატუსის დამადასტურებელი დოკუმენტი და მისი ასლი (ასეთის არსებობის შემთხვევაში);

ა.ე) თუ განმცხადებელი მაძიებლის კანონიერი წარმომადგენელია, განმცხადებლის პირადობის დამადასტურებელი საბუთი (მოქალაქის პირადობის მოწმობა ან პასპორტი) და მისი ასლი;

ა.ვ) მაძიებლის კანონიერი წარმომადგენლობის დამადასტურებელი საბუთი, თუ განმცხადებელი მაძიებლის კანონიერი წარმომადგენელია.

ბ) შშმ პირთა პანსიონატში (მოთავსდება მხოლოდ ქრონიკული ფსიქიკური აშლილობით შშმ სრულწლოვანი პირები ან სხვა შშმ სრულწლოვანი პირები) შშმ პირის მოსათავსებლად:

ბ.ა) მაძიებლის პირადობის დამადასტურებელი საბუთი (მოქალაქის პირადობის მოწმობა ან პასპორტი) და მისი ასლი;

ბ.ბ) მაძიებლის ჯანმრთელობის მდგომარეობის შესახებ ცნობა (სამედიცინო დოკუმენტაცია ფორმა №IV-100/ა);

ბ.გ) მაძიებლის ერთი ფოტოსურათი (3X4);

ბ.დ) მაძიებლის შეზღუდული შესაძლებლობის მქონე პირის სტატუსის დამადასტურებელი დოკუმენტი და მისი ასლი;

ბ.ე) თუ განმცხადებელი მაძიებლის კანონიერი წარმომადგენელია, განმცხადებლის პირადობის დამადასტურებელი საბუთი (მოქალაქის პირადობის მოწმობა ან პასპორტი) და მისი ასლი;

ბ.ვ) მაძიებლის კანონიერი წარმომადგენლობის დამადასტურებელი საბუთი, თუ განმცხადებელი მაძიებლის კანონიერი წარმომადგენელია.

გ) დღის ცენტრში მოთავსების სურვილის შემთხვევაში:

გ.ა) მაძიებლის პირადობის დამადასტურებელი საბუთი (მოქალაქის პირადობის მოწმობა ან პასპორტი) და მისი ასლი, ან დაბადების მოწმობა და მისი ასლი – თუ პირი არასრულწლოვანია;

გ.ბ) მაძიებლის ჯანმრთელობის მდგომარეობის შესახებ ცნობა (სამედიცინო დოკუმენტაცია ფორმა №IV-100/ა);

გ.გ) მაძიებლის ერთი ფოტოსურათი (3X4);

გ.დ) მაძიებლის შეზღუდული შესაძლებლობის მქონე პირის სტატუსის დამადასტურებელი დოკუმენტი და მისი ასლი (ასეთის არსებობის შემთხვევაში);

გ.ე) განმცხადებლის პირადობის დამადასტურებელი საბუთი (მოქალაქის პირადობის მოწმობა ან პასპორტი) და მისი ასლი, თუ განმცხადებელი მაძიებლის კანონიერი წარმომადგენელია;

გ.ვ) მაძიებლის კანონიერი წარმომადგენლობის დამადასტურებელი საბუთი და მისი ასლი, თუ განმცხადებელი მაძიებლის კანონიერი წარმომადგენელია.

2. ამ მუხლის პირველი პუნქტის „ა.ა“, „ა.დ“, „ა.ე“, „ა.ვ“, „ბ.ა“, „ბ.დ“, „ბ.ე“, „ბ.ვ“, „გ.ა“, „გ.დ“, „გ.ე“ და „გ.ვ“ ქვეპუნქტებით განსაზღვრული საბუთების დედნები უბრუნდება მფლობელს წარმოდგენისთანავე.

3. ჩვილ ბავშვთა სახლში მოთავსებას ექვემდებარება 0-დან 6 წლამდე ასაკის, ხოლო სხვა ბავშვთა სახლში და ბავშვთა სააღმზრდელო დაწესებულებაში – 6-დან 18 წლამდე ასაკის მზრუნველობამოკლებული ბავშვები.

4. მცირე საოჯახო ტიპის სახლში მოთავსებას ექვემდებარება 6-დან 18 წლამდე ასაკის მზრუნველობამოკლებული ბავშვები (მათ შორის, ბავშვთა სააღმზრდელო დაწესებულებებში და ბავშვთა სახლებში მცხოვრები).

5. ნაპოვნი ბავშვის და სხვა გადაუდებელ შემთხვევაში, როდესაც აუცილებელია ბავშვის დროებით თავშესაფარში მოთავსება, ასეთი ბავშვი ბავშვთა სააღმზრდელო დაწესებულებაში ან ბავშვთა სახლში განთავსდება სხვა აღსაზრდელებისაგან განცალკევებით (გარდა იმ შემთხვევებისა, როდესაც იდენტიფიცირებულია ბავშვის ჯანმრთელობის მდგომარეობა და ის საშიში არ არის სხვა პირებისათვის). მომსახურების მიმწოდებლის მიერ ბავშვის ჯანმრთელობის მდგომარეობის შემოწმების შემდეგ იგი განთავსდება სხვა ბენეფიციარებთან ერთად (გარდა ამ წესის მე-4 მუხლის მე-9 პუნქტით გათვალისწინებული დაავადებების შემთხვევაში, როდესაც მომსახურების მიმწოდებლის მიერ ხორციელდება ასეთი ბავშვის სამედიცინო დაწესებულებაში გადაყვანა).

6. სათემო ორგანიზაციაში მოთავსებას ექვემდებარება სრულწლოვანი, რომელიც:

ა) ცხოვრობს შშმ ბავშვთა სპეციალიზებულ სადღეღამისო დაწესებულებებში;

ბ) არის ბავშვთა სააღმზრდელო დაწესებულების, ბავშვთა სახლის ან მცირე საოჯახო ტიპის სახლის ბენეფიციარი და ვერ იქნა რეინტეგრირებული ან შვილად აყვანილი.

7. დღის ცენტრში მოთავსებას ექვემდებარება 6-დან 18 წლამდე ბავშვები ან სრულწლოვანი შშმ პირები.

მუხლი 4.

გარდა ნაპოვნი ბავშვისა და სხვა გადაუდებელი შემთხვევისა, როდესაც აუცილებელია ბავშვის დროებით თავშესაფარში მოთავსება

სპეციალიზებულ დაწესებულებაში პირის მოთავსების შესახებ გადაწყვეტილების მიღება

1. მაძიებლის ბავშვთა სადღეღამისო სააღმზრდელო საქმიანობის განმახორციელებელ სპეციალიზებულ დაწესებულებაში (), აგრეთვე სახელმწიფო ბიუჯეტის დაფინანსებაზე მყოფ სპეციალიზებულ დაწესებულებაში განთავსებაზე გადაწყვეტილებას იღებს რეგიონული საბჭო.

2. სოციალური მუშაკის დასკვნის საფუძველზე, ნაპოვნი ბავშვის და სხვა გადაუდებელ შემთხვევაში, როდესაც აუცილებელია ბავშვის დროებით თავშესაფარში მოთავსება, ბავშვთა სადღეღამისო სააღმზრდელო საქმიანობის განმახორციელებელ სპეციალიზებულ დაწესებულებაში განთავსებაზე გადაწყვეტილებას იღებს რეგიონული საბჭოს თავმჯდომარე.

3. მაძიებლის ადგილობრივი ბიუჯეტის დაფინანსებაზე მყოფ სპეციალიზებულ დაწესებულებაში (გარდა ამ მუხლის პირველი და მე-2 პუნქტებით გათვალისწინებულისა) განთავსებაზე გადაწყვეტილებას იღებს შესაბამისი ადგილობრივი თვითმმართველობის მიერ განსაზღვრული პირი.

4. სპეციალიზებულ დაწესებულებაში პირის მოთავსების შესახებ შესაბამისი განცხადებისა და თანდართული დოკუმენტების სააგენტოში წარდგენიდან არა უმეტეს 1 თვის ვადაში, რეგიონული საბჭოს უახლოეს სხდომაზე წარსადგენად, სოციალური მუშაკი ამზადებს დასკვნას პირის სპეციალიზებულ დაწესებულებაში მოთავსების მიზანშეწონილობის შესახებ.

5. ხანდაზმულთა და შშმ პირთა პანსიონატის მომსახურების მისაღებად უპირატესი უფლებით ისარგებლებენ სხვა სადღეღამისო სპეციალიზებული დაწესებულებიდან გადასაყვანი ბენეფიციარები, ის ბენეფიციარები, რომლებსაც უფრო ადრე აქვთ კომპეტენტურ ორგანოში წარდგენილი განცხადება სპეციალიზებულ დაწესებულებაში მოთავსების თაობაზე, ასევე მარტოხელებს და უსახლკაროებს ჩამოთვლილი რიგითობის მიხედვით.

6. დღის ცენტრის ტიპის მომსახურების მისაღებად უპირატესი უფლებით ისარგებლებენ რეინტეგრაციის შემწეობის მიმღები ოჯახების ბავშვები, ის ბენეფიციარები, რომლებიც დღის ცენტრის ტიპის მომსახურებით სარგებლობდნენ წინა წელს, „სოციალურად დაუცველი ოჯახების მონაცემთა ერთიან ბაზაში“ რეგისტრირებული იმ ოჯახების წევრები, რომლებსაც მოთავსების შესახებ გადაწყვეტილების მიღების დღისათვის ყველაზე უფრო დაბალი სარეიტინგო ქულა აქვთ ჩამოთვლილი რიგითობის მიხედვით.

7. სპეციალიზებულ დაწესებულებაში პირის მოთავსებასთან ერთად რეგიონული საბჭო იღებს გადაწყვეტილებას აღნიშნულ დაწესებულებაში ბენეფიციარის სრული სახელმწიფო დაფინანსებით ან თანადაფინანსებით მოთავსების თაობაზე, კანონმდებლობით დადგენილი წესით.

8. სპეციალიზებულ დაწესებულებაში პირის მოთავსების შესახებ გადაწყვეტილების თაობაზე წერილობით ეცნობება დაინტერესებულ მხარეს გადაწყვეტილების მიღებიდან 5 სამუშაო დღის ვადაში.

9. ხანდაზმულთა პანსიონატში, შშმ პირთა პანსიონატში, ბავშვთა სააღმზრდელო დაწესებულებაში, ბავშვთა სახლში, სათემო ორგანიზაციაში, მცირე საოჯახო ტიპის სახლში, დღის ცენტრში განთავსებას არ ექვემდებარებიან მაძიებლები (გარდა ამ წესის მე-3 მუხლის მე-5 პუნქტით გათვალისწინებულისა, როდესაც წინასწარ არ არის იდენტიფიცირებული ბავშვის ჯანმრთელობის მდგომარეობა):

ა.ა) მწვავე ინფექციური დაავადებით;

ა.ბ) ტუბერკულოზის აქტიური ფორმით;

ა.გ) აქტიური სიფილისით;

ა.დ) კანის გადამდები დაავადებით;

ა.ე) თავისა და ზურგის ტვინის თიაქრების ღია ფორმით;

ა.ვ) ცენტრალური ნერვული სისტემის მწვავე დაავადებით;

ა.ზ) რომლებიც საჭიროებენ სტაციონარულ მკურნალობას.

მუხლი 5.

სპეციალიზებულ დაწესებულებაში პირის მოთავსებაზე უარის თქმის საფუძველი

დაინტერესებულ მხარეს პირის სპეციალიზებულ დაწესებულებაში მოთავსებაზე შეიძლება უარი ეთქვას, თუ მოსათავსებელი პირის მონაცემები ვერ აკმაყოფილებს ამ წესით განსაზღვრულ პირობებს.

მუხლი 6.

გარდა ამ მუხლის მე-2 პუნქტით გათვალისწინებულისა

სადღეღამისო სპეციალიზებულ დაწესებულებაში ბენეფიციარის მოთავსება

1. ბავშვთა სადღეღამისო სპეციალიზებულ დაწესებულებაში, აგრეთვე სახელმწიფო ბიუჯეტის დაფინანსებაზე მყოფ სადღეღამისო სპეციალიზებულ დაწესებულებაში პირის განთავსების შემთხვევაში (), მომსახურების მიმწოდებლის პასუხისმგებელ პირს აღნიშნულ დაწესებულებაში ბენეფიციარის განთავსებაზე რეგიონული საბჭოს გადაწყვეტილებასთან (ოქმიდან ამონაწერი) ერთად გადაეცემა შემდეგი დოკუმენტები:

ა) ბენეფიციარის პირადობის დამადასტურებელი საბუთის (მოქალაქის პირადობის მოწმობის ან პასპორტის) ასლი, ან დაბადების მოწმობის ასლი – თუ პირი არასრულწლოვანია;

ბ) ბენეფიციარის ჯანმრთელობის მდგომარეობის შესახებ ცნობის (სამედიცინო დოკუმენტაცია ფორმა №IV-100/ა) ასლი;

გ) ბენეფიციარის შეზღუდული შესაძლებლობის მქონე პირის სტატუსის დამადასტურებელი დოკუმენტის ასლი (ასეთის არსებობის შემთხვევაში).

2. ნაპოვნი ბავშვის და სხვა გადაუდებელ შემთხვევაში ბავშვის ბავშვთა სადღეღამისო სააღმზრდელო საქმიანობის განმახორციელებელ სპეციალიზებულ დაწესებულებაში განთავსებისას რეგიონული საბჭოს თავმჯდომარის გადაწყვეტილების ასლი და ამ მუხლის მე-2 პუნქტით გათვალისწინებული საბუთები მომსახურების მიმწოდებლის პასუხისმგებელ პირს გადაეცემა აღნიშნულ დაწესებულებაში ბავშვის მოთავსებიდან არა უგვიანეს 2 თვისა.

3. ბენეფიციარის სადღეღამისო სპეციალიზებულ დაწესებულებაში მოთავსებასთან დაკავშირებით სპეციალური ჩანაწერი კეთდება ბენეფიციარის სპეციალიზებულ დაწესებულებაში მოთავსებისა და ამ დაწესებულებიდან გაყვანის აღრიცხვის ჟურნალში და ხელმოწერას აკეთებს მიმყვანი პირი, ასეთის არ- არსებობის შემთხვევაში – ბენეფიციარი.

მუხლი 7.

სახელი, გვარი, ბენეფიციართან ნათესაური კავშირი და პირადი ნომერი

ბავშვთა სპეციალიზებული დაწესებულებიდან ბენეფიციარის დროებით გაყვანა

1. სადღეღამისო სპეციალიზებული დაწესებულებიდან ბენეფიციარის დროებითი გაყვანა შესაძლებელია:

ა) იმ პირის მიერ, რომლის მონაცემები () განსაზღვრულია ასეთ დაწესებულებაში პირის მოთავსების შესახებ გადაწყვეტილებაში (ოქმიდან ამონაწერში):

ა.ა) სასწავლო არდადეგების დღეებში, უქმე დღეებში ან/და შაბათ-კვირას;

ა.ბ) სხვა დღეებში – მეურვეობისა და მზრუნველობის ადგილობრივი ორგანოს წერილობითი თანხმობით, რომელიც გაიცემა დასაბუთებული საჭიროებიდან გამომდინარე;

ბ) მომსახურების მიმწოდებლის ადმინისტრაციის მიერ – დასვენების, კულტურულ-სპორტულ, საგანმანათლებლო და სანახაობრივ ღონისძიებებში მონაწილეობის მიღების მიზნით.

2. ამ მუხლის პირველი პუნქტით გათვალისწინებული პირობებისა და ვადების დაცვაზე პასუხისმგებელობა ეკისრება მომსახურების მიმწოდებელს, რომლის დარღვევის თაობაზე დაწესებულება ვალდებულია დაუყოვნებლივ აცნობოს მეურვეობისა და მზრუნველობის ადგილობრივ ორგანოს.

3. ბენეფიციარის სადღეღამისო სპეციალიზებული დაწესებულებიდან დროებით გაყვანასთან და უკან დაბრუნებასთან დაკავშირებით სპეციალური ჩანაწერი კეთდება ბენეფიციარის სპეციალიზებულ დაწესებულებაში მოთავსებისა და ამ დაწესებულებიდან გაყვანის აღრიცხვის ჟურნალში (დანართი №3) და ხელმოწერას აკეთებს გამყვანი პირი ან ბენეფიციარი, თუ ეს უკანასკნელი სრულწლოვანი ქმედუნარიანი პირია.

მუხლი 8.

შშმ ბენეფიციარის შემთხვევაში

სპეციალიზებული დაწესებულებიდან პირის გაყვანა

1. ბავშვთა სააღმზრდელო დაწესებულებიდან, ბავშვთა სახლიდან და მცირე საოჯახო ტიპის სახლიდან პირი შეიძლება გაყვანილ იქნეს შემდეგ შემთხვევებში:

ა) დაბრუნდა ბიოლოგიურ ოჯახში;

ბ) შვილად იქნა აყვანილ;

გ) დაენიშნა მეურვე/მზრუნველი;

დ) მიმღებ ოჯახს გადაეცა მინდობით აღსაზრდელად;

ე) სხვა სადღეღამისო სპეციალიზებულ დაწესებულებაში გადაყვანა;

ვ) სრულწლოვანების ასაკის მიღწევა;

2. სათემო ორგანიზაციიდან, ხანდაზმულთა და შშმ პირთა პანსიონატიდან პირი შეიძლება გაყვანილ იქნეს შემდეგ შემთხვევებში:

ა) ბენეფიციარის ან მისი კანონიერი წარმომადგენლის სურვილით;

ბ) დაენიშნა მეურვე/მზრუნველი;

გ) სხვა სადღეღამისო სპეციალიზებულ დაწესებულებაში გადაყვანა;

დ) მომსახურების მიმწოდებელ სააგენტოში მომსახურების მიღებისას ზედიზედ 2 თვის განმავლობაში არ იქნა გადახდილი მომსახურების თანადაფინანსების კუთვნილი წილი.

3. დღის ცენტრიდან პირი შეიძლება გაყვანილ იქნეს შემდეგ შემთხვევებში:

ა) საკუთარი სურვილით, არასრულწლოვნის შემთხვევაში – კანონიერი წარმომადგენლის სურვილით;

ბ) შშმ სტატუსის გაუქმება ან ვადის ამოწურვა ();

გ სრულწლოვანების ასაკის მიღწევა (იმ შემთხვევაში, თუ ბენეფიციარი ბავშვია);

დ) მომსახურების მიმწოდებელ სააგენტოში მომსახურების მიღებისას ზედიზედ 2 თვის განმავლობაში არ იქნა გადახდილი მომსახურების თანადაფინანსების კუთვნილი წილი.

4. ბენეფიციარის სადღეღამისო სპეციალიზებული დაწესებულებიდან გაყვანასთან დაკავშირებით სპეციალური ჩანაწერი კეთდება ბენეფიციარის სპეციალიზებულ დაწესებულებაში მოთავსებისა და ამ დაწესებულებიდან გაყვანის აღრიცხვის ჟურნალში და ხელმოწერას აკეთებს გამყვანი პირი ან ბენეფიციარი, თუ ეს უკანასკნელი სრულწლოვანი ქმედუნარიანი პირია.

5. ბენეფიციარის გარდაცვალების შემთხვევაში ინფორმაცია უნდა ეცნობოს სააგენტოს.

მუხლი 9.

გარდამავალი დებულებანი

1. ამ წესის ამოქმედებამდე ხანდაზმულთა პანსიონატში, შშმ პირთა პანსიონატში და სათემო ორგანიზაციაში მცხოვრები ბენეფიციარები ჩაითვალოს ამ წესის შესაბამისად განთავსებულ ბენეფიციარებად.

2. ამ წესის ამოქმედებამდე ბავშვთა სააღმზრდელო დაწესებულებაში, ბავშვთა სახლში და მცირე საოჯახო ტიპის სახლში მცხოვრები ბენეფიციარები ჩაითვალოს ამ წესის შესაბამისად მოთავსებულ ბენეფიციარებად, აღნიშნული სპეციალიზებული დაწესებულებების ბენეფიციართა შეფასების განხორციელებამდე.

დანართი №2

პირის სპეციალიზებულ დაწესებულებაში მოთავსების შესახებ

განცხადება

განმცხადებელი დაწესებულება[1]

სრული დასახელება ------------------------------------------------------------------------------------------------

მისამართი -------------------------------------------------------------------------------------------------------------

პასუხისმგებელი პირის სახელი და გვარი ----------------------------------------------------------------------

პირადი ნომერი -------------------------------------------------------------------------------------------------------

ტელეფონი -------------------------------------------------- ელფოსტა --------------------------------------------

განმცხადებელი კანონიერი წარმომადგენელი[2]

სახელი და გვარი -----------------------------------------------------------------------------------------------------

პირადი ნომერი -------------------------------------------------------------------------------------------------------

მისამართი -------------------------------------------------------------------------------------------------------------

ტელეფონი ------------------------------------------------ ელფოსტა ----------------------------------------------

კავშირი მაძიებელთან ------------------------------------------------------------------------------------------------

მაძიებელი:

სახელი და გვარი ----------------------------------------------------------------------------------------------------

პირადი ნომერი -------------------------------------------------------------------------------------------------------

დაბადების თარიღი --------------------------------------------------------------------------------------------------

მოქალაქეობა ----------------------------------------------------------------------------------------------------------

მისამართი -------------------------------------------------------------------------------------------------------------

ტელეფონი -------------------------------------------------- ელფოსტა -------------------------------------------

მიუთითეთ მაძიებლის შესაბამისი კატეგორიისადმი მიკუთვნება[3]

რეგისტრირებულია სოციალურად დაუცველი ოჯახების მონაცემთა ერთიან ბაზაში

შეზღუდული შესაძლებლობის სტატუსის მქონე პირი

წინა წელს სარგებლობდა დღის ცენტრის ტიპის მომსახურებით

რეინტეგრაციის შემწეობის მიმღები

მარტოხელა

უსახლკარო

ხანდაზმულთა ან შშმ პირთა პანსიონატის, სათემო ორგანიზაციის, ბავშვთა სააღმზრდელო დაწესებულების, ბავშვთა სახლის, მცირე საოჯახო ტიპის სახლის ბენეფიციარი

დაწესებულების დასახელება --------------------------------------------------------------------------------------

მაძიებლის განთავსებისათვის სპეციალიზებული დაწესებულების ტიპი

ხანდაზმულთა პანსიონატი

შეზღუდული შესაძლებლობის მქონე პირთა პანსიონატი

ბავშვთა სახლი

ბავშვთა სააღმზრდელო დაწესებულება

სათემო ორგანიზაცია,

მცირე საოჯახო ტიპის სახლი

ბავშთა დღის ცენტრი

შშმ პირთა დღის ცენტრი

განმცხადებლის ხელმოწერა:

თარიღი:

Структура документа

Выделенная статья

Поиск по документу

Чат с GPT помощником

Перевод документа