Հոդված (0)

1. Հայաստանի Հանրապետությունում սահմանվում են արհեստագործական եւ միջին
մասնագիտական կրթության պետական կրթական չափորոշիչներ, որոնք ապահովում են՝
1) արհեստագործական եւ միջին մասնագիտական կրթության որակը եւ նրա գնահատման
հիմքերը.
2) Հայաստանի Հանրապետության տարածքում մասնագիտական կրթական
քաղաքականության միասնականությունը.
3) օտարերկրյա պետությունների հետ արհեստագործական եւ միջին մասնագիտական
կրթության որակավորումների եւ ավարտական փաստաթղթերի փոխադարձ ճանաչման
հիմքերի համեմատելիությունն ու համարժեքությունը։
2. Արհեստագործական եւ միջին մասնագիտական կրթության պետական կրթական
չափորոշիչները ներառում են`
1) ընդհանուր պահանջներ արհեստագործական եւ միջին մասնագիտական կրթության
հիմնական կրթական ծրագրերի նկատմամբ.
2) պահանջներ արհեստագործական եւ միջին մասնագիտական կրթության հիմնական

կրթական ծրագրերի բովանդակության պարտադիր նվազագույնի, դրանց իրականացման
պայմանների, ներառյալ` տեսական ուսուցման, ուսումնական, արտադրական եւ
նախաավարտական պրակտիկաների եւ շրջանավարտների ամփոփիչ ատեստավորման
ձեւերի, յուրաքանչյուր մասնագիտությամբ շրջանավարտների պատրաստման մակարդակի
վերաբերյալ.
3) արհեստագործական եւ միջին մասնագիտական կրթության հիմնական կրթական
ծրագրերով ուսումնական գործընթացի կազմակերպման ժամկետները, կրեդիտային
համակարգի առկայության դեպքում` կրեդիտների քանակը.
4) սովորողների ուսումնական բեռնվածության նվազագույն եւ առավելագույն ծավալը:
3. Արհեստագործական եւ միջին մասնագիտական կրթության պետական կրթական
չափորոշիչների ձեւավորման ու հաստատման կարգը սահմանում է Հայաստանի
Հանրապետության կառավարությունը (այսուհետ` կառավարություն):
4.
5.
6. Արհեստագործական եւ միջին մասնագիտական ուսումնական հաստատությունները
համապատասխան գործատուների առաջարկությունների հիման վրա մշակում եւ
հաստատում են պետական կրթական չափորոշիչներին համապատասխանեցված
ուսուցանվող մասնագիտությունների եւ մասնագիտացումների ուսումնական պլանները եւ
առարկայական ծրագրերը, որոնք երաշխավորում են կրթական տարբեր փուլերում
ուսանողների ուսումնառության գործընթացը (մուտքը կրթական ծրագիր եւ ելքը ծրագրից)`
ապահովելով կրեդիտների կուտակումը, փոխանցումը եւ որակավորման աստիճանների
շնորհումը:
7.

Հոդված 18.1.

հաստատության տնօրենը եւ նրա իրավասությունը

1. Արհեստագործական եւ միջին մասնագիտական ուսումնական հաստատության տնօրեն,
բացառությամբ ոստիկանության ուսումնական հաստատության համապատասխան
ստորաբաժանումների պետերի, կարող է ընտրվել կամ նշանակվել այն անձը, որն ունի
արհեստագործական եւ միջին մասնագիտական ուսումնական հաստատության ղեկավարման
իրավունք (հավաստագիր) (այսուհետ՝ Հավաստագիր)։
2. Արհեստագործական եւ միջին մասնագիտական պետական ուսումնական
հաստատության տնօրենն ընտրվում է Հայաստանի Հանրապետության կառավարության
հաստատած մրցութային կարգով:
3. Արհեստագործական եւ միջին մասնագիտական ոչ պետական ուսումնական
հաստատության տնօրենը, ինչպես նաեւ ուսումնական հաստատության արհեստագործական
եւ միջին մասնագիտական կրթական ծրագրեր իրականացնող ստորաբաժանման ղեկավարը
նշանակվում է ուսումնական հաստատության կանոնադրությամբ սահմանված կարգով։
4. Արհեստագործական եւ միջին մասնագիտական պետական ուսումնական
հաստատության տնօրենի թափուր տեղի համար հայտարարված մրցույթին կարող է
մասնակցել, իսկ արհեստագործական եւ միջին մասնագիտական ոչ պետական ուսումնական
հաստատության տնօրեն, ինչպես նաեւ ուսումնական հաստատության արհեստագործական
եւ միջին մասնագիտական կրթական ծրագրեր իրականացնող ստորաբաժանման ղեկավար
կարող է նշանակվել կրթության պետական կառավարման լիազորված մարմնի սահմանած
կարգով վերապատրաստված եւ Հավաստագիր ստացած անձը:
5. Հավաստագիր ստանալու համար կարող է դիմել այն անձը, որն ունի բարձրագույն
կրթություն, սույն օրենքով սահմանված կարգով ստացած վերապատրաստման վկայական եւ
վերջին տասը տարվա ընթացքում մանկավարժական աշխատանքի առնվազն հինգ կամ
կրթության կառավարման ոլորտի առնվազն երեք կամ կառավարման ոլորտի առնվազն հինգ
կամ մասնագիտական առնվազն հինգ տարվա ընդհանուր աշխատանքային ստաժ։
6. Հավաստագիր ստանալու համար դիմած անձի վերապատրաստում կարող են
իրականացնել կրթության պետական կառավարման լիազորված մարմնի սահմանած կարգով
ընտրված (երաշխավորված) կազմակերպությունները։
7. Հավաստագրումն անցկացվում է հետեւյալ փուլերով.
1) փաստաթղթերի համապատասխանության ճանաչում` համաձայն կրթության պետական
կառավարման լիազորված մարմնի սահմանած փաստաթղթերի ցանկի.
2) քննություն` թեստավորման եւ հարցազրույցի միջոցով.
3) Հավաստագրի շնորհում` հինգ տարի ժամկետով:
8. Հավաստագրման քննությունների կազմակերպման եւ հավաստագրման
ընթացակարգերը, ինչպես նաեւ հավաստագրման հանձնաժողովի կազմավորման եւ
գործունեության կարգը սահմանում է կրթության պետական կառավարման լիազորված
մարմինը:
9. Հավաստագրումը կազմակերպվում է առնվազն տարին մեկ անգամ:
10. Հավաստագրման գործընթացի մասին հայտարարությունը հրապարակվում է
քննություններն անցկացնելուց ոչ ուշ, քան մեկ ամիս առաջ` առնվազն երեք հազար
տպաքանակ ունեցող մամուլի եւ զանգվածային լրատվության այլ միջոցներով:
11. Հավաստագրման քննությունների հարցաշարի բովանդակությունը կազմվում է
կրթության բնագավառում իրավական, կառավարչական, մանկավարժական, հոգեբանական,
ուսուցման մեթոդաբանության վերաբերյալ գիտելիքները եւ գործնական կարողությունները
ստուգելու նպատակով:
12. Հավաստագրման քննությունը հավաստագրման ընթացակարգով հանձնած անձին
շնորհվում է Հավաստագիր:
13. Հավաստագիր ստացած անձանց ցուցակը հրապարակում է կրթության պետական
կառավարման լիազորված մարմինը՝ հավաստագրման ընթացակարգով սահմանված
ժամկետում:
14. Հավաստագրման քննության արդյունքները կարող են բողոքարկվել դատական կարգով
կամ կրթության պետական կառավարման լիազորված մարմին` համաձայն կրթության
պետական կառավարման լիազորված մարմնի սահմանած կարգի:
15. Հավաստագիր ստացած անձը կարող է Հավաստագիրը ստանալու օրվանից հետո՝
հինգ տարվա ընթացքում, մասնակցել արհեստագործական եւ միջին մասնագիտական
պետական ուսումնական հաստատության տնօրենի պաշտոնի թափուր տեղի համար
անցկացվող մրցույթին, իսկ ոչ պետական ուսումնական հաստատության, ինչպես նաեւ
ուսումնական հաստատության արհեստագործական եւ միջին մասնագիտական կրթական
ծրագրեր իրականացնող ստորաբաժանման դեպքում՝ կանոնադրությամբ սահմանված
կարգով նշանակվել ստորաբաժանման ղեկավարի պաշտոնում:
16. Արհեստագործական եւ միջին մասնագիտական պետական ուսումնական
հաստատության տնօրենի թափուր տեղի համար անցկացվող մրցույթին մասնակցելու համար
տնօրենի թեկնածուն խորհրդին ներկայացնում է`

1) կրթության պետական կառավարման լիազորված մարմնի սահմանած ցանկին
համապատասխան փաստաթղթերը.
2) Հավաստագիրը.
3) ուսումնական հաստատության զարգացման հինգ տարվա ծրագիրը:
17. Արհեստագործական եւ միջին մասնագիտական պետական ուսումնական
հաստատության տնօրենի թեկնածուին խորհուրդը կարող է տալ հարցեր՝ թեկնածուի կողմից
խորհուրդ ներկայացված ուսումնական հաստատության զարգացման հինգ տարվա ծրագրի
շրջանակներում:
18. Մրցույթում հաղթած եւ օրենսդրությամբ սահմանված կարգով լիազոր մարմնի
ղեկավարի հետ աշխատանքային պայմանագիր կնքած արհեստագործական կամ միջին
մասնագիտական պետական ուսումնական հաստատության տնօրենը պաշտոնավարում է
մինչեւ իր լիազորությունների ավարտը` անկախ Հավաստագրի հնգամյա ժամկետի
լրանալուց, իսկ ոչ պետական ուսումնական հաստատության տնօրենը, ինչպես նաեւ
ուսումնական հաստատության արհեստագործական եւ միջին մասնագիտական կրթական
ծրագրեր իրականացնող ստորաբաժանման ղեկավարը պաշտոնավարում է մինչեւ
հավաստագրի ժամկետի լրանալը:
19. Հավաստագիր ստացած անձը կարող է մինչեւ Հավաստագրի ժամկետի լրանալը դիմել
եւ սահմանված կարգով հավաստագրվել:
20. Արհեստագործական եւ միջին մասնագիտական ուսումնական հաստատության տնօրեն
չի կարող առաջադրվել եւ ընտրվել (նշանակվել) այն անձը, որը`
1) սահմանված կարգով չի ստացել ուսումնական հաստատության ղեկավարման
իրավունքի հավաստագիր.
2) դատական կարգով ճանաչվել է անգործունակ կամ սահմանափակ գործունակ.
3) դատական կարգով զրկվել է մանկավարժական կամ վարչական գործունեությամբ
զբաղվելու իրավունքից.
4) տառապում է այնպիսի հիվանդությամբ, որը կարող է խոչընդոտել մանկավարժական
կամ վարչական գործունեությանը: Այդ հիվանդությունների ցանկը հաստատում է
կառավարությունը.
5) դատապարտվել է հանցագործության համար, եւ դատվածությունը սահմանված կարգով
մարված կամ վերացված չէ, բացառությամբ այն դեպքերի, երբ դատապարտվել է ոչ
դիտավորյալ հանցագործություն կատարելու համար:
21. Արհեստագործական եւ միջին մասնագիտական պետական ուսումնական
հաստատության տնօրենը`
1) խորհրդի քննարկմանն է ներկայացնում արհեստագործական եւ միջին մասնագիտական
ուսումնական հաստատության ֆինանսատնտեսական հաշվետվությունը, արտաքին եւ
ներքին գնահատման արդյունքների վերաբերյալ տեղեկանքը, հաջորդ տարվա բյուջետային
ֆինանսավորման հայտը.
2) պատասխանատու է մասնագիտական կրթության պետական կրթական չափորոշիչների
(որակավորման չափորոշիչների) եւ կարողությունների զարգացմանը միտված մոդուլային
ուսուցման ծրագրի կատարման չափանիշներն ապահովող համապատասխան կրթության եւ
ուսուցման գործընթացի կազմակերպման, ուսանողների առողջության պահպանման,
կադրերի ընտրության, Հայաստանի Հանրապետության աշխատանքային օրենսգրքի
պահանջների պահպանման համար, ինչպես նաեւ օրենքով եւ արհեստագործական եւ միջին
մասնագիտական ուսումնական հաստատության կանոնադրությամբ սահմանված այլ
պարտավորությունների ապահովման համար.
3) ղեկավարում է արհեստագործական եւ միջին մասնագիտական ուսումնական
հաստատության մանկավարժական խորհուրդը, աջակցում է տվյալ ուսումնական
հաստատության խորհրդակցական մարմինների աշխատանքին.
4) կազմում է արհեստագործական եւ միջին մասնագիտական ուսումնական
հաստատության հաստիքային ցուցակն ու ծախսերի նախահաշիվը եւ տվյալ ուսումնական
հաստատության խորհրդի հավանությամբ ներկայացնում լիազոր մարմին.
5) խորհրդի հավանությանն է ներկայացնում արհեստագործական եւ միջին
մասնագիտական ուսումնական հաստատության զարգացման ծրագիրը.
6) իրականացնում է օրենքով եւ տվյալ ուսումնական հաստատության կանոնադրությամբ
իրեն վերապահված այլ լիազորություններ:
(18.1-ին հոդվածը լրաց. 19.05.14 ՀՕ-18-Ն, փոփ. 09.06.22 ՀՕ-196-Ն, խմբ. 17.01.23 ՀՕ-
8-Ն)
(17.01.23 ՀՕ-8-Ն օրենքն ունի եզրափակիչ մաս եւ անցումային դրույթներ)

Հոդված 20.

լիցենզավորումը եւ արհեստագործական եւ միջին մասնագիտական
ուսումնական հաստատության հավատարմագրումը

1. Արհեստագործական եւ միջին մասնագիտական կրթական գործունեություն (կրթական
ծրագրեր) կարող են իրականացվել միայն լիցենզիայի առկայության դեպքում:
2. Արհեստագործական կամ միջին մասնագիտական կրթության եւ ուսուցման
ուսումնական հաստատությունը լիցենզավորում է կրթության պետական կառավարման
լիազորված մարմինը` Հայաստանի Հանրապետության օրենսդրությանը համապատասխան:
3. Արհեստագործական եւ միջին մասնագիտական կրթական գործունեության

լիցենզավորումն իրականացվում է տվյալ կրթական ծրագրի յուրաքանչյուր մասնագիտության
համար առանձին:
4. Արհեստագործական եւ միջին մասնագիտական ուսումնական հաստատությունների,
դրանց մասնագիտությունների եւ կրթական ծրագրերի պետական հավատարմագրումն
իրականացվում է լիցենզիայի առկայության դեպքում՝ ըստ ուսումնական
հաստատությունների եւ դրանց մասնագիտությունների:
5. Հայաստանի Հանրապետության արհեստագործական եւ միջին մասնագիտական
կրթության համակարգում պետական հավատարմագրման են ենթակա
արհեստավորի եւ մասնագետի կրթական ծրագրերը:
6. (մասն ուժը կորցրել է 11.05.11 ՀՕ-153-Ն)
7. Պետական հավատարմագրման վկայականը հավաստում է արհեստագործական եւ
միջին մասնագիտական ուսումնական հաստատության իրականացրած կրթական ծրագրերի
մակարդակի, դրանց բովանդակության եւ շրջանավարտների կրթության որակի
համապատասխանությունը պետական կրթական չափորոշիչների պահանջներին:
8. Ուսումնական հաստատության մասնաճյուղերը հավատարմագրվում են ընդհանուր
հիմունքներով` մասնաճյուղ ունեցող մասնագիտական ուսումնական հաստատության հայտի
հիման վրա:
9. Հայաստանի Հանրապետության եւ (կամ) օտարերկրյա այլ պետությունների
արհեստագործական եւ միջին մասնագիտական ուսումնական հաստատությունների, այլ
կազմակերպությունների մասնակցությամբ Հայաստանի Հանրապետությունում ստեղծված
արհեստագործական եւ միջին մասնագիտական ուսումնական հաստատությունները եւ դրանց
մասնաճյուղերն իրավահավասար են պետական արհեստագործական եւ միջին
մասնագիտական ուսումնական հաստատություններին եւ լիցենզավորվում,
հավատարմագրվում են Հայաստանի Հանրապետության օրենքներով, սույն օրենքով, եթե այլ
բան նախատեսված չէ Հայաստանի Հանրապետության միջազգային պայմանագրերով:
10. Արհեստագործական եւ միջին մասնագիտական ուսումնական հաստատության տված
ավարտական փաստաթղթում (դիպլոմում) նշվում է ուսումնական հաստատության, դրա
առանձին մասնագիտության հավատարմագրված լինելու փաստը:
11. Արհեստագործական եւ միջին մասնագիտական ուսումնական հաստատությունը կարող
է ստանալ նաեւ հասարակական հավատարմագրում, որը հասարակական հավատարմագրում
իրականացնող կազմակերպությունների կողմից իրենց չափանիշներին եւ պահանջներին
մասնագիտական ուսումնական հաստատության գործունեության որակական չափանիշների
համապատասխանության ճանաչումն է:
(20-րդ հոդվածը փոփ. 11.05.11 ՀՕ-153-Ն)

Հայաստանի Հանրապետության
ՆախագահՌ. Քոչարյան
2005 թ. օգոստոսի 13
Երեւան
ՀՕ-164-Ն

Փոփոխման պատմություն
Փոփոխող ակտՀամապատասխան ինկորպորացիան
22.05.2024, ՀՕ-250-Ն24.06.2024, ՀՕ-164-Ն
17.01.2023, ՀՕ-8-Ն10.02.2023, ՀՕ-164-Ն
09.06.2022, ՀՕ-196-Ն01.07.2022, ՀՕ-164-Ն
30.07.2021, ՀՕ-318-Ն16.08.2021, ՀՕ-164-Ն
25.03.2020, ՀՕ-175-Ն01.05.2020, ՀՕ-164-Ն
19.05.2014, ՀՕ-18-Ն21.06.2014, ՀՕ-164-Ն
30.04.2013, ՀՕ-39-Ն30.05.2013, ՀՕ-164-Ն
11.05.2011, ՀՕ-153-Ն04.06.2011, ՀՕ-164-Ն
08.02.2011, ՀՕ-52-Ն26.03.2011, ՀՕ-164-Ն
23.06.2010, ՀՕ-113-Ն31.07.2010, ՀՕ-164-Ն
04.02.2010, ՀՕ-22-Ն16.04.2010, ՀՕ-164-Ն

30.04.2008, ՀՕ-57-Ն12.06.2008, ՀՕ-164-Ն
Փոփոխված ակտ
Փոփոխող ակտՀամապատասխան ինկորպորացիան