Հոդված 1.

Սույն օրենքը կարգավորում է քրեակատարողական գործառույթներ իրականացնող
պետական լիազոր մարմնում քրեակատարողական ծառայության (այսուհետ`
քրեակատարողական ծառայություն) մարմինների եւ հիմնարկների համակարգը, դրանց
գործունեության կազմակերպման հիմունքները, ինչպես նաեւ քրեակատարողական
ծառայության՝ որպես պետական ծառայության առանձին տեսակի
առանձնահատկությունները:
(1-ին հոդվածը խմբ. 21.01.20 ՀՕ-14-Ն)

Հոդված 2.

1. Քրեակատարողական ծառայությունն ապահովում է սույն օրենքով նախատեսված
խնդիրների իրականացումը:
2. (պարբերությունն ուժը կորցրել է 23.03.18 ՀՕ-282-Ն)
Մարզպետները քրեակատարողական ծառայության գործունեության համակարգման
լիազորություններ չունեն:
3. (պարբերությունն ուժը կորցրել է 21.01.20 ՀՕ-14-Ն)
Քրեակատարողական ծառայությունում ծառայող քաղաքացին հանրային ծառայող է:
3.1. (մասն ուժը կորցրել է 21.01.20 ՀՕ-14-Ն)
4. Քրեակատարողական ծառայությունն իրականացվում է օրինականության, մարդու եւ
քաղաքացու իրավունքներն ու ազատությունները, պատիվն ու արժանապատվությունը

հարգելու, մարդասիրության ու հրապարակայնության սկզբունքների պահպանմամբ`
միանձնյա ու կենտրոնացված ղեկավարման միջոցով:
5. Քրեակատարողական ծառայությունն իրականացվում է`
1) համապատասխան նախարարության քրեակատարողական ծառայության
կենտրոնական մարմնի (այսուհետ` քրեակատարողական ծառայության կենտրոնական
մարմին) անվտանգության ապահովման, պահպանության ապահովման, օպերատիվ, հատուկ
նշանակության, ուղեկցումների, ներքին անվտանգության, հերթապահության
ստորաբաժանումներում եւ շտաբում.
2) (կետն ուժը կորցրել է 08.04.08 ՀՕ-11-Ն)
3) համապատասխան նախարարության քրեակատարողական հիմնարկներում (այսուհետ`
քրեակատարողական հիմնարկ):
6. Կառավարության որոշմամբ կարող են ստեղծվել դատապարտյալների սոցիալ-
հոգեբանական վերականգնման, գիտահետազոտական, բուժական, կրթական եւ այլ
պետական ոչ առեւտրային կազմակերպություններ:
7. Քրեակատարողական ծառայողի եւ քաղաքացիական ծառայողի զինվորական
հաշվառումն իրականացնում է քրեակատարողական ծառայության կենտրոնական մարմինը՝
Կառավարության սահմանած կարգով:
(2-րդ հոդվածը լրաց. 15.11.06 ՀՕ-178-Ն, փոփ. 08.04.08 ՀՕ-11-Ն, լրաց. 17.11.09 ՀՕ-
218-Ն, փոփ. 23.03.18 ՀՕ-282-Ն, փոփ., խմբ. 21.01.20 ՀՕ-14-Ն)

Հոդված 3.

1. Քրեակատարողական ծառայության մասին օրենսդրությունը բաղկացած է
Սահմանադրությունից, սույն օրենքից, «Հանրային ծառայության մասին» օրենքից,
«Քաղաքացիական ծառայության մասին» օրենքից, այլ օրենքներից եւ իրավական ակտերից,
Հայաստանի Հանրապետության միջազգային պայմանագրերից:
2. Եթե Հայաստանի Հանրապետության միջազգային պայմանագրերով սահմանված են այլ
նորմեր, քան նախատեսված են սույն օրենքով, ապա կիրառվում են միջազգային
պայմանագրերի նորմերը:
3. Քրեակատարողական ծառայողների աշխատանքային հարաբերություններին
վերաբերող հարցերը, որոնք կարգավորված չեն սույն օրենքով, կարգավորվում են
«Քաղաքացիական ծառայության մասին» եւ «Հանրային ծառայության մասին» օրենքներով:
4. Սույն հոդվածի 3-րդ մասով սահմանված իրավական ակտերով այդ հարաբերությունները
կարգավորված չլինելու դեպքում դրանք կարգավորվում են Հայաստանի Հանրապետության
աշխատանքային օրենսդրությամբ:
5. Քրեակատարողական ծառայողների բարեվարքության համակարգի եւ այս
իրավակարգավորումներից բխող այլ հարաբերություններ, որոնք պարտադիր են
քրեակատարողական ծառայողների համար, կարգավորվում են «Հանրային ծառայության
մասին» օրենքով:
6. Սույն օրենքով քրեակատարողական ծառայողի համար նախատեսված իրավունքները,
պարտականությունները եւ սոցիալական երաշխիքները տարածվում են քրեակատարողական
ծառայության պետի եւ նրա տեղակալների վրա, իսկ սույն օրենքով սահմանված այլ նորմերը
քրեակատարողական ծառայության պետի եւ նրա տեղակալների վրա տարածվում են միայն
սույն օրենքով ուղղակիորեն նախատեսված դեպքերում:
(3-րդ հոդվածը խմբ. 17.11.09 ՀՕ-218-Ն, փոփ. 23.03.18 ՀՕ-282-Ն, լրաց., խմբ. 21.01.20
ՀՕ-14-Ն)

Հոդված 5.

(հոդվածն ուժը կորցրել է 08.04.08 ՀՕ-11-Ն)

Հոդված 6.

1. Քրեակատարողական ծառայության կենտրոնական մարմինն ապահովում է սույն
օրենքի 4-րդ հոդվածով սահմանված խնդիրների իրականացումը իր կառուցվածքային
ստորաբաժանումների եւ քրեակատարողական հիմնարկների միջոցով:
2. Քրեակատարողական ծառայության անմիջական ղեկավարումն իրականացնում է
քրեակատարողական ծառայության պետը:
3. (մասն ուժը կորցրել է 23.03.18 ՀՕ-282-Ն)
4. (մասն ուժը կորցրել է 23.03.18 ՀՕ-282-Ն)
5. (մասն ուժը կորցրել է 17.05.16 ՀՕ-52-Ն)
6. (մասն ուժը կորցրել է 17.05.16 ՀՕ-52-Ն)
7. (մասն ուժը կորցրել է 17.05.16 ՀՕ-52-Ն)
8. Քրեակատարողական ծառայության հատուկ նշանակության ստորաբաժանումը
քրեակատարողական ծառայության կենտրոնական մարմնի կառուցվածքային
ստորաբաժանում է եւ գործում է քրեակատարողական ծառայության պետի անմիջական
ղեկավարությամբ:
9. Քրեակատարողական ծառայության հատուկ նշանակության ստորաբաժանումն
իրականացնում է արագ արձագանքման աշխատանքներ` քրեակատարողական
հիմնարկներում արտակարգ իրավիճակներ առաջանալիս ներքին կանոնակարգի
խախտումները վերացնելու նպատակով, ինչպես նաեւ աջակցում է քրեակատարողական
հիմնարկների արտաքին պահպանության, ներքին կանոնակարգի պահպանմանն ուղղված
գործառույթների եւ ազատությունից զրկելու ձեւով պատիժ կրող դատապարտյալների եւ
կալանավորվածների փոխադրումների իրականացմանը:
(6-րդ հոդվածը փոփ.17.05.16 ՀՕ-52-Ն, խմբ., փոփ. 23.03.18 ՀՕ-282-Ն)

Հոդված 7.

1. Քրեակատարողական հիմնարկներ են ուղղիչ հիմնարկները եւ կալանավորվածներին
պահելու վայրերը:
2. Քրեակատարողական հիմնարկների տեսակները եւ լրակազմերը սահմանում է
համապատասխան նախարարը` քրեակատարողական ծառայության պետի ներկայացմամբ:
3. Քրեակատարողական հիմնարկները ստեղծում, վերակազմակերպում եւ դրանց
գործունեությունը դադարեցնում է Կառավարությունը:
4. Քրեակատարողական հիմնարկը պետական հիմնարկ է, որը գործում է սույն օրենքին եւ
իր կանոնադրությանը համապատասխան:
(7-րդ հոդվածը փոփ. 23.03.18 ՀՕ-282-Ն)

Հոդված 8.

Դատապարտյալների զբաղվածությունն ապահովելու, դատապարտյալներին եւ
կալանավորվածներին պահելու պայմանները բարելավելու, ինչպես նաեւ
քրեակատարողական հիմնարկների սոցիալական, մշակութային ոլորտները զարգացնելու
նպատակով քրեակատարողական ծառայության համակարգում Կառավարությունն ստեղծում
է հիմնադրամ, որը գործում է հիմնադրամի կանոնադրության համաձայն:
(8-րդ հոդվածը փոփ. 23.03.18 ՀՕ-282-Ն)

Հոդված 10.

1. Քրեակատարողական ծառայողներին շնորհվում են արդարադատության հետեւյալ
կոչումները.
- արդարադատության գնդապետ,
- արդարադատության փոխգնդապետ,
- արդարադատության մայոր,
- արդարադատության կապիտան,
- արդարադատության ավագ լեյտենանտ,
- արդարադատության լեյտենանտ,
- արդարադատության ավագ ենթասպա,
- արդարադատության ենթասպա,
- արդարադատության ավագ,
- արդարադատության ավագ սերժանտ,
- արդարադատության սերժանտ,
- արդարադատության կրտսեր սերժանտ:
Կոչումները դասակարգվում են աստիճանական համակարգով՝ բարձրից ցածր:
2. Քրեակատարողական ծառայության պետին եւ նրա տեղակալներին շնորհվում են
արդարադատության գեներալ-լեյտենանտ եւ գեներալ-մայոր կոչումները: Արդարադատության
գեներալ-լեյտենանտ եւ գեներալ-մայոր կոչումները շնորհում է վարչապետը: Վարչապետը
քրեակատարողական ծառայության պետի տեղակալին արդարադատության կոչումը
շնորհում է համապատասխան նախարարի առաջարկությամբ:
3. Քրեակատարողական ծառայության պաշտոններ զբաղեցնող քրեակատարողական
ծառայողների կոչումները, բացառությամբ սույն հոդվածի 2-րդ մասով եւ սույն մասի երկրորդ
պարբերությամբ նախատեսված դեպքերի, շնորհում է քրեակատարողական ծառայության
պետը:
Քրեակատարողական հիմնարկի կրտսեր խմբի պաշտոններ զբաղեցնող
քրեակատարողական ծառայողներին կոչումներ շնորհում է քրեակատարողական հիմնարկի
պետը:
4. Կոչումները շնորհվում են հերթականության կարգով, զբաղեցրած պաշտոնի համար
նախատեսված կոչումներին համապատասխան, սույն օրենքով սահմանված ժամկետը
լրանալուց հետո` 15-օրյա ժամկետում, բացառությամբ սույն օրենքով նախատեսված
դեպքերի:
5. Կոչումները շնորհվում են անհատական կարգով, ցմահ:
6. Քրեակատարողական ծառայողը, ինչպես նաեւ քրեակատարողական ծառայությունում
ծառայությունը դադարեցրած քաղաքացին կարող է ծանր կամ առանձնապես ծանր
հանցագործության համար դատապարտվելու դեպքում զրկվել կոչումից` Հայաստանի

Հանրապետության օրենսդրությամբ սահմանված կարգով:
(10-րդ հոդվածը լրաց., փոփ., խմբ. 17.11.09 ՀՕ-218-Ն, փոփ., լրաց. 23.03.18 ՀՕ-282-Ն,
փոփ., խմբ. 21.01.20 ՀՕ-14-Ն)

Հոդված 11.

կոչումները

Քրեակատարողական ծառայության պաշտոնների համար սահմանվում են հետեւյալ
առավելագույն կոչումները.
1) (կետն ուժը կորցրել է 21.01.20 ՀՕ-14-Ն)
2) քրեակատարողական ծառայության գլխավոր խմբի պաշտոններ`
ա. քրեակատարողական ծառայության կենտրոնական մարմնի վարչության պետ,
քրեակատարողական հիմնարկի պետ, քրեակատարողական ծառայության բաժնի պետ`
արդարադատության գնդապետ,
բ. քրեակատարողական ծառայության կենտրոնական մարմնի վարչության պետի
տեղակալ, քրեակատարողական հիմնարկի պետի տեղակալ, քրեակատարողական հիմնարկի
պատասխանատու հերթապահ, քրեակատարողական ծառայության բաժնի պետի տեղակալ,
քրեակատարողական ծառայության բաժանմունքի պետ` արդարադատության
փոխգնդապետ.
3) քրեակատարողական ծառայության առաջատար խմբի պաշտոններ`
ա. քրեակատարողական ծառայության գլխավոր մասնագետ, քրեակատարողական
ծառայության կենտրոնական մարմնի վարչության ավագ օպերլիազոր, քրեակատարողական
ծառայության կենտրոնական մարմնի վարչության տարածքային բաժնի պետ,
քրեակատարողական հիմնարկի բաժնի պետ, քրեակատարողական հիմնարկի տեղամասի
պետ` արդարադատության փոխգնդապետ,
բ. քրեակատարողական ծառայության կենտրոնական մարմնի վարչության տարածքային
բաժնի պետի տեղակալ, քրեակատարողական ծառայության կենտրոնական մարմնի
վարչության տարածքային բաժանմունքի պետ, քրեակատարողական հիմնարկի բաժնի պետի
տեղակալ, քրեակատարողական հիմնարկի բաժանմունքի պետ, քրեակատարողական
հիմնարկի խմբի ղեկավար, քրեակատարողական հիմնարկի գլխավոր մասնագետ,
քրեակատարողական ծառայության կենտրոնական մարմնի վարչության օպերլիազոր,
քրեակատարողական ծառայության կենտրոնական մարմնի վարչության տարածքային բաժնի
ավագ օպերլիազոր` արդարադատության մայոր.
4) քրեակատարողական ծառայության միջին խմբի պաշտոններ`
ա. քրեակատարողական ծառայության առաջատար մասնագետ, քրեակատարողական
ծառայության առաջին կարգի մասնագետ, քրեակատարողական ծառայության
կենտրոնական մարմնի վարչության տարածքային բաժանմունքի ավագ օպերլիազոր,
քրեակատարողական ծառայության կենտրոնական մարմնի վարչության տարածքային բաժնի
օպերլիազոր, քրեակատարողական ծառայության կենտրոնական մարմնի վարչության
տարածքային բաժանմունքի օպերլիազոր, քրեակատարողական հիմնարկի առաջատար
մասնագետ, քրեակատարողական հիմնարկի առաջին կարգի մասնագետ`
արդարադատության մայոր.
5) քրեակատարողական ծառայության կրտսեր խմբի պաշտոններ`
ա. քրեակատարողական ծառայության երկրորդ կարգի մասնագետ, քրեակատարողական
ծառայության երրորդ կարգի մասնագետ, քրեակատարողական հիմնարկի երկրորդ կարգի
մասնագետ, քրեակատարողական հիմնարկի երրորդ կարգի մասնագետ`
արդարադատության ավագ ենթասպա,
բ. քրեակատարողական հիմնարկի կրտսեր մասնագետ` արդարադատության ենթասպա:
(11-րդ հոդվածը խմբ. 17.11.09 ՀՕ-218-Ն, փոփ. 23.03.18 ՀՕ-282-Ն, 21.01.20 ՀՕ-14-Ն,
լրաց. 03.10.23 ՀՕ-310-Ն)

Հոդված 12.

1. Սույն օրենքով սահմանված կարգով հերթական կոչումների շնորհման համար
սահմանվում են ծառայության հետեւյալ ժամկետները.
- արդարադատության կրտսեր սերժանտ` 1 տարի,
- արդարադատության սերժանտ` 2 տարի,
- արդարադատության ավագ սերժանտ` 3 տարի,
- արդարադատության ավագ` 3 տարի,
- արդարադատության ենթասպա` 4 տարի,
- արդարադատության լեյտենանտ` 2 տարի,
- արդարադատության ավագ լեյտենանտ` 3 տարի,
- արդարադատության կապիտան` 3 տարի,
- արդարադատության մայոր` 4 տարի,
- արդարադատության փոխգնդապետ` 5 տարի:
Արդարադատության ավագ ենթասպայի եւ արդարադատության գնդապետի կոչումներով
ծառայության ժամկետ չի սահմանվում:
2. Պետական այլ մարմնում ծառայություն անցած (աշխատած) եւ զինվորական կամ

հատուկ կոչում (դասային աստիճան, որակավորման դաս) ունեցող քաղաքացիներին
քրեակատարողական ծառայությունում պաշտոնի նշանակելիս շնորհվում է նրանց
զինվորական կամ հատուկ կոչմանը (դասային աստիճանին, որակավորման դասին)
համապատասխան կոչում, բացառությամբ սույն հոդվածի 3.1-ին մասով սահմանված դեպքի:
3. Պետական այլ մարմիններում շնորհված զինվորական կամ հատուկ կոչումների,
դասային աստիճանների, որակավորման դասերի համապատասխանությունը սույն օրենքով
սահմանված կոչումներին սահմանում է Կառավարությունը:
3.1. Քրեակատարողական ծառայության պաշտոնի նշանակելիս զինվորական կամ հատուկ
կոչում (դասային աստիճան, որակավորման դաս) չունեցող կամ քրեակատարողական
ծառայության տվյալ պաշտոնին համապատասխան սկզբնական կոչումից ավելի ցածր
զինվորական կամ հատուկ կոչում (դասային աստիճան, որակավորման դաս) ունեցող
քաղաքացիներին շնորհվում է քրեակատարողական ծառայության տվյալ պաշտոնին
համապատասխան սկզբնական կոչում: Քրեակատարողական ծառայության պաշտոններին
համապատասխան սկզբնական կոչումները սահմանում է Կառավարությունը։
4. Քրեակատարողական ծառայողի հերթական կոչումի շնորհումը հետաձգվում է, երբ`
1) (կետն ուժը կորցրել է 21.01.20 ՀՕ-14-Ն)
2) քրեակատարողական ծառայողն ունի կարգապահական տույժ.
3) քրեակատարողական ծառայողը գտնվում է քրեական հետապնդման կամ
ծառայողական քննության մեջ:
Հերթական կոչումի շնորհումը հետաձգելու դեպքում քրեակատարողական ծառայողի
հերթական կոչումը շնորհվում է սույն մասի 1-ին պարբերությամբ նշված խոչընդոտների
վերացումից հետո` 15-օրյա ժամկետում:
(12-րդ հոդվածը լրաց. 17.11.09 ՀՕ-218-Ն, փոփ. 23.03.18 ՀՕ-282-Ն, փոփ., լրաց.
21.01.20 ՀՕ-14-Ն)

Հոդված 13.

1. Կոչումներով ծառայության ժամկետը հաշվարկվում է այդ կոչման շնորհման մասին
հրամանի ստորագրման հաջորդ օրվանից:
Հերթական կոչում շնորհելու ժամկետը հաշվարկելիս իջեցված կոչումով ծառայության
ժամանակահատվածը չի հաշվարկվում:
2. Քրեակատարողական ծառայողին սույն օրենքով սահմանված կարգով եւ ժամկետներում
կոչումը շնորհելուն խոչընդոտելն առաջացնում է սույն օրենքով սահմանված
կարգապահական պատասխանատվություն:

Հոդված 14.1.

անցկացվող մրցույթը

1. Բացառությամբ քրեակատարողական հիմնարկի պետերի պաշտոնների,
քրեակատարողական ծառայության մյուս պաշտոններն զբաղեցվում են մրցույթի
արդյունքներով: Մրցույթի անցկացման կարգը սահմանում է Կառավարությունը:
2. Մրցույթին չեն կարող մասնակցել այն քաղաքացիները, որոնք չեն բավարարում սույն
օրենքի 14-րդ, 17-րդ եւ 41-րդ հոդվածների պահանջները:
3. Քրեակատարողական ծառայողների առաջխաղացումը կատարվում է սույն օրենքով
սահմանված մրցույթով:
(14.1-ին հոդվածը լրաց. 21.01.20 ՀՕ-14-Ն)

Հոդված 15.

1. Քրեակատարողական ծառայությունում առաջին անգամ որպես քրեակատարողական
ծառայող պաշտոնի նշանակվող անձինք Հայաստանի Հանրապետության պետական դրոշի
առջեւ, համապատասխան նախարարի սահմանած կարգով, տալիս են հետեւյալ
բովանդակությամբ երդում.
«Ես` (անուն, հայրանուն, ազգանուն), Հայաստանի Հանրապետության
քրեակատարողական ծառայությունում պաշտոն ստանձնելով` երդվում եմ. հավատարմորեն
ծառայել Հայաստանի Հանրապետության ժողովրդին, խստագույնս պահպանել
Սահմանադրությունը եւ օրենքները, մարդու եւ քաղաքացու իրավունքներն ու
ազատությունները, աջակցել սահմանադրական կարգի պահպանմանը, անվերապահորեն եւ
բարեխղճորեն կատարել պարտականություններս»:
2. Քրեակատարողական ծառայողը երդում տալիս է մեկ անգամ, անհատական կարգով,
երդման տեքստն ընթերցելու միջոցով:
3. Քրեակատարողական ծառայողն ստորագրում է իր ընթերցած երդման տեքստը, որը
պահպանվում է նրա անձնական գործում:
(15-րդ հոդվածը փոփ. 23.03.18 ՀՕ-282-Ն)

Հոդված 16.

1. (մասն ուժը կորցրել է 23.03.18 ՀՕ-282-Ն)
2. Քրեակատարողական հիմնարկների պետերին պաշտոնի նշանակում եւ պաշտոնից
ազատում է համապատասխան նախարարը` քրեակատարողական ծառայության պետի
առաջարկությամբ:
3. Քրեակատարողական ծառայության գլխավոր, առաջատար, միջին եւ
քրեակատարողական ծառայության կենտրոնական մարմնի կրտսեր խմբի պաշտոններում
նշանակում եւ պաշտոնից ազատում է քրեակատարողական ծառայության պետը,
բացառությամբ սույն հոդվածի 2-րդ մասով նախատեսված դեպքերի:
Քրեակատարողական հիմնարկի կրտսեր պաշտոնների խմբի ծառայողներին նշանակում,
տվյալ քրեակատարողական հիմնարկում այլ պաշտոնի փոխադրում եւ պաշտոնից ազատում է
քրեակատարողական հիմնարկի պետը:
4. (մասն ուժը կորցրել է 21.01.20 ՀՕ-14-Ն)
5. (մասն ուժը կորցրել է 21.01.20 ՀՕ-14-Ն)
(16-րդ հոդվածը խմբ. 15.06.06 ՀՕ-125-Ն, փոփ. 08.04.08 ՀՕ-11-Ն, լրաց. 17.11.09 ՀՕ-
218-Ն, փոփ. 23.03.18 ՀՕ-282-Ն, 21.01.20 ՀՕ-14-Ն)

Հոդված 17.

պայմանները, քրեակատարողական ծառայության պաշտոնի անձնագրի`
կրթության եւ աշխատանքային ստաժի չափանիշները
(վերնագիրը խմբ. 21.01.20 ՀՕ-14-Ն)

1. Քրեակատարողական ծառայության պետ կարող է նշանակվել այն անձը, որը զբաղեցրել
է քրեակատարողական ծառայության պետի տեղակալի պաշտոն կամ առնվազն երեք տարի՝
քրեակատարողական ծառայության գլխավոր խմբի պաշտոն եւ ունի արդարադատության
գնդապետից ոչ ցածր կոչում կամ ունի բարձրագույն կրթություն եւ հանրային ծառայության
առնվազն չորս տարվա ստաժ կամ ունի բարձրագույն կրթություն եւ չորս տարվա
մասնագիտական աշխատանքային ստաժ:
2. Քրեակատարողական ծառայության պետի տեղակալ կարող է նշանակվել այն անձը, որը
զբաղեցրել է քրեակատարողական ծառայության պետի պաշտոն կամ առնվազն երեք տարի՝
քրեակատարողական ծառայության գլխավոր խմբի պաշտոն եւ ունի արդարադատության
փոխգնդապետից ոչ ցածր կոչում կամ ունի հանրային ծառայության առնվազն երեք տարվա
ստաժ կամ ունի բարձրագույն կրթություն եւ երեք տարվա մասնագիտական աշխատանքային
ստաժ:
3. Քրեակատարողական ծառայության գլխավոր խմբի պաշտոններում կարող է նշանակվել
այն անձը, որը զբաղեցրել է քրեակատարողական ծառայության պետի, նրա տեղակալների

պաշտոն, քրեակատարողական ծառայության գլխավոր խմբի կամ առնվազն երեք տարի՝
առաջատար խմբի պաշտոն կամ ունի հանրային ծառայության առնվազն երկու տարվա
ստաժ կամ երեք տարվա մասնագիտական աշխատանքային ստաժ կամ պաշտոնի
անձնագրով պահանջվող աշխատանքի բնագավառում՝ երեք տարվա աշխատանքային ստաժ:
4. Քրեակատարողական ծառայության առաջատար խմբի պաշտոններում կարող է
նշանակվել այն անձը, որը զբաղեցրել է քրեակատարողական ծառայության պետի, նրա
տեղակալների պաշտոն, քրեակատարողական ծառայության գլխավոր, առաջատար խմբի
կամ առնվազն մեկ տարի միջին խմբի պաշտոն, բացառությամբ բժշկական սպասարկման
ոլորտի պաշտոնների կամ ունի հանրային ծառայության առնվազն մեկ տարվա ստաժ կամ
մեկ տարվա մասնագիտական աշխատանքային ստաժ կամ պաշտոնի անձնագրով
պահանջվող աշխատանքի բնագավառում՝ մեկ տարվա աշխատանքային ստաժ:
5. Քրեակատարողական ծառայության կրտսեր խմբում պաշտոնում կարող է նշանակվել
առնվազն միջնակարգ կրթություն ունեցող քաղաքացին:
5.1. Քրեակատարողական ծառայության միջին եւ կրտսեր խմբերի պաշտոն զբաղեցնելու
համար աշխատանքային ստաժ չի պահանջվում:
6. Քրեակատարողական ծառայության գլխավոր, առաջատար եւ միջին խմբերի
պաշտոններում կարող են նշանակվել բարձրագույն կրթություն ունեցող քաղաքացիները:
7. (մասն ուժը կորցրել է 21.01.20 ՀՕ-14-Ն)
8. Քրեակատարողական ծառայության թափուր պաշտոն առաջանալու դեպքում մրցույթին
կարող են մասնակցել նաեւ զինված ուժերի, ազգային անվտանգության, ոստիկանության,
դատախազության մարմինների, ինչպես նաեւ պետական պահպանության ծառայության
եւ հարկադիր կատարումն ապահովող ծառայության այն ծառայողները (այդ թվում` նշված
մարմինների նախկին ծառայողները), որոնք բավարարում են տվյալ պաշտոնի անձնագրի
պահանջները:
9. Քրեակատարողական ծառայությունում թափուր պաշտոնի կարող է նշանակվել
ժամանակավոր պաշտոնակատար, բայց ոչ ավելի, քան մեկ տարի ժամկետով:
Քրեակատարողական ծառայությունում ծառայողի կողմից իր ծառայողական
պարտականությունները կատարելու ժամանակավոր անհնարինության, այդ թվում`
ծառայողական քննության դեպքում, կին ծառայողի նախածննդյան կամ հետծննդյան, ինչպես
նաեւ ծառայողի` երեխային խնամելու արձակուրդի դեպքերում նրա պաշտոնը կարող է
զբաղեցվել` քրեակատարողական ծառայության այլ փոխարինող ծառայողին տվյալ
պաշտոնին գործուղելով կամ քրեակատարողական ծառայությունում կադրերի ռեզերվում
գտնվող ծառայողին կամ քրեակատարողական ծառայությունում ծառայության անցնող անձին
տվյալ պաշտոնին ժամանակավոր նշանակելով:
Սույն մասի երկրորդ պարբերությամբ նախատեսված հիմքերի վերացման դեպքում
փոխարինող ծառայողը սույն օրենքով սահմանված կարգով նշանակվում է հավասարազոր
կամ իր համաձայնությամբ ավելի ցածր պաշտոնի, իսկ դրա անհնարինության դեպքում
գրանցվում է կադրերի ռեզերվում:
(17-րդ հոդվածը լրաց. 01.06.06 ՀՕ-122-Ն, փոփ. 23.03.18 ՀՕ-282-Ն, խմբ., փոփ.,
լրաց. 21.01.20 ՀՕ-14-Ն, լրաց. 23.12.22 ՀՕ-614-Ն)

Հոդված 18.

1. Քրեակատարողական ծառայության պաշտոն առաջին անգամ զբաղեցնող անձի
նշանակումն իրականացվում է մինչեւ ինն ամիս փորձաշրջանով: Փորձաշրջանի հետ կապված
հարաբերությունները կարգավորվում են «Քաղաքացիական ծառայության մասին» օրենքով:
(18-րդ հոդվածը խմբ. 21.01.20 ՀՕ-14-Ն)

Հոդված 19.

(վերնագիրը խմբ. 21.01.20 ՀՕ-14-Ն)

1. Քրեակատարողական ծառայողի կատարողականի գնահատման հետ կապված
հարաբերությունները կարգավորվում են «Քաղաքացիական ծառայության մասին» օրենքով:
(19-րդ հոդվածը փոփ. 01.06.06 ՀՕ-122-Ն, 08.04.08 ՀՕ-11-Ն, 17.11.09 ՀՕ-218-Ն,
23.03.18 ՀՕ-282-Ն, խմբ. 21.01.20 ՀՕ-14-Ն, փոփ. 09.06.22 ՀՕ-276-Ն)

Հոդված 20.

ուսուցումը

1. Քրեակատարողական ծառայության գլխավոր, առաջատար, միջին եւ կրտսեր խմբերի
պաշտոններ զբաղեցնող քրեակատարողական ծառայողները ենթակա են
վերապատրաստման քրեակատարողական ծառայողի անհատական վերապատրաստման

կարիքի գնահատման հիման վրա՝ սույն օրենքի 19-րդ հոդվածի 1-ին մասով նախատեսված
կատարողականի գնահատականի արդյունքներով, ինչպես նաեւ քրեակատարողական
ծառայության գերակա խնդիրների արդյունավետ լուծմանն ուղղված քրեակատարողական
ծառայողների մասնագիտական գիտելիքների եւ կոմպետենցիաների զարգացման
անհրաժեշտության դեպքում, սակայն ոչ ուշ, քան երեք տարին մեկ անգամ:
Քրեակատարողական ծառայողների վերապատրաստման կարգը սահմանում է ոլորտը
համակարգող նախարարը:
2. (մասն ուժը կորցրել է 21.01.20 ՀՕ-14-Ն)
3. Քրեակատարողական ծառայության հանրային ծառայողներն իրավունք ունեն
սահմանված կարգով կրելու, պահելու եւ գործադրելու (կիրառելու) հրազեն եւ օրենքով
նախատեսված հատուկ միջոցներ՝ հատուկ ուսուցում անցնելուց հետո: Հատուկ ուսուցում
անցնելու կարգն ու պայմանները սահմանում է հանրային ծառայությունը համակարգող
փոխվարչապետը:
4. (մասն ուժը կորցրել է 21.01.20 ՀՕ-14-Ն)
5. Քրեակատարողական ծառայողը Հայաստանի Հանրապետության պետական բյուջեով
սահմանված համապատասխան միջոցների հաշվին վերապատրաստվելուց կամ հատուկ
ուսուցում անցնելուց հետո մեկ տարուց պակաս ծառայություն անցնելու դեպքում պարտավոր
է, ծառայություն չանցած ամիսներին համապատասխան, կատարված ծախսը, 12 ամսվա
կտրվածքով բաժանելով յուրաքանչյուր ամսվա վրա, փոխհատուցել իր վերապատրաստման
կամ հատուկ ուսուցման համար կատարված ծախսերը:
(20-րդ հոդվածը փոփ. 17.11.09 ՀՕ-218-Ն. խմբ., փոփ. 21.01.20 ՀՕ-14-Ն, խմբ. 09.06.22
ՀՕ-276-Ն)
(09.06.22 ՀՕ-276-Ն օրենքն ունի անցումային դրույթ)

Հոդված 20.1.

1. Քրեակատարողական ծառայության գլխավոր, առաջատար, միջին եւ կրտսեր խմբերի
ծառայողների ատեստավորումն անցկացվում է հավելավճար հաշվարկելու կամ հավելավճարի
հաշվարկումը շարունակելու նպատակով:
2. Սույն հոդվածի 1-ին մասով նախատեսված ատեստավորումից առաջ
քրեակատարողական ծառայողն իր ցանկությամբ կարող է վերապատրաստվել:
Քրեակատարողական ծառայողը մինչեւ ատեստավորումը մեկ անգամ իրավունք ունի
անցնելու վերապատրաստում: Ատեստավորման նպատակով վերապատրաստումն
անցկացվում է միայն առաջին անգամ ատեստավորման համար:
3. Քրեակատարողական ծառայությունում զբաղեցրած պաշտոնին հավասարազոր այլ
պաշտոնի նշանակվելուց հետո քրեակատարողական ծառայողի ատեստավորման
արդյունքները պահպանվում են, իսկ մրցույթի արդյունքներով առաջխաղացմամբ պաշտոնի
նշանակվելիս ծառայողը ենթակա է ատեստավորման: Մինչեւ հավելավճար հաշվարկելու
նպատակով ատեստավորվելն առաջխաղացմամբ պաշտոնի նշանակված ծառայողը
պահպանում է նախորդ պաշտոնում հաշվարկված ատեստավորման արդյունքները:
Հաստիքների կրճատման, կառուցվածքային փոփոխության դեպքում քրեակատարողական
ծառայությունում այլ պաշտոնի նշանակվելիս, այդ թվում՝ պաշտոնի մեկ աստիճանով
իջեցման դեպքում, ծառայողներն ատեստավորման ենթակա չեն, իսկ ատեստավորված
ծառայողները պահպանում են ատեստավորման արդյունքները, բացառությամբ սույն
հոդվածի 8-րդ մասով նախատեսված ժամկետը լրանալու դեպքերի:
4. Ատեստավորման կարգը սահմանվում է Կառավարության որոշմամբ:
5. Ատեստավորման անցկացման նպատակով համապատասխան նախարարի հրամանով
ստեղծվում է ատեստավորման հանձնաժողով:
6. Քրեակատարողական ծառայությունում համապատասխան պաշտոնի առաջին անգամ
նշանակված ծառայողը կարող է ատեստավորում անցնել պաշտոնի նշանակվելուց ոչ շուտ,
քան վեց ամիս անց: Նա սույն հոդվածի 1-ին մասով նախատեսված ատեստավորման համար
դիմում է վեցամսյա ժամկետը լրանալուց հետո՝ երեք տարվա ընթացքում:
7. Ատեստավորման արդյունքներով հավելավճար ստանալու իրավունք ձեռք բերելու
դեպքում հավելավճարը հաշվարկվում է այդ իրավունքը ձեռք բերելու օրվանից:
8. Համապատասխան պաշտոնում ատեստավորված եւ տվյալ պաշտոնի խմբի համար
սահմանված չափով հավելավճար ստացող ծառայողներն ատեստավորվում են յուրաքանչյուր
երեք տարին մեկ անգամ՝ հավելավճարի հաշվարկումը շարունակելու համար: Հավելավճարի
հաշվարկումը շարունակելու նպատակով ատեստավորման համար դիմելու իրավունքը
ծառայողի մոտ ծագում է նախորդ ատեստավորման արդյունքներով հավելավճար
հաշվարկելու իրավունքը ձեռք բերելու օրվանից երկու տարի հետո: Մրցույթի արդյունքներով
առաջխաղացմամբ պաշտոնի նշանակված ծառայողը հավելավճար հաշվարկելու նպատակով
ատեստավորման համար դիմում է պաշտոնի նշանակվելուց հետո՝ մեկ տարվա ընթացքում:
9. Հղիության եւ ծննդաբերության, ինչպես նաեւ մինչեւ երեք տարեկան երեխայի խնամքի
համար տրամադրվող արձակուրդում գտնվող ծառայողը ենթակա է ատեստավորման ոչ շուտ,
քան արձակուրդից վերադառնալուց երեք ամիս հետո, եւ ատեստավորման համար կարող է
դիմել եռամսյա ժամկետի ավարտից հետո՝ երեք տարվա ընթացքում: Արձակուրդում կամ
գործուղման մեջ գտնվող կամ ժամանակավոր անաշխատունակ ծառայողը ենթակա է

ատեստավորման ոչ շուտ, քան ծառայության անցնելուց երկու ամիս հետո:
10. Եթե քրեակատարողական ծառայողն ատեստավորման արդյունքներով ստացել է սույն
հոդվածի 12-րդ մասի 1-ին կամ 2-րդ կետով նախատեսված եզրակացությունը, որից հետո
նրան տրամադրվել է հղիության եւ ծննդաբերության, ինչպես նաեւ մինչեւ երեք տարեկան
երեխայի խնամքի արձակուրդ, ապա հավելավճարի հաշվարկման ժամկետն արձակուրդի
ժամանակահատվածում կասեցվում է: Այն վերսկսվում է նշված տեսակի արձակուրդից
վերադառնալու օրը:
11. Ատեստավորման ենթակա ծառայողն ատեստավորման օրվանից ոչ ուշ, քան մեկ ամիս
առաջ տեղեկացվում է ատեստավորման անցկացման ժամկետի մասին:
12. Ատեստավորման արդյունքներով կայացվում է հետեւյալ եզրակացություններից որեւէ
մեկը.
1) ենթակա է հավելավճար հաշվարկելու.
2) ենթակա է շարունակելու հավելավճարի հաշվարկումը.
3) ենթակա չէ հավելավճար հաշվարկելու.
4) ենթակա չէ շարունակելու հավելավճարի հաշվարկումը:
13. Ատեստավորմանը մասնակցած այն ծառայողները, որոնց վերաբերյալ կայացվել է սույն
հոդվածի 12-րդ մասի 3-րդ կամ 4-րդ կետով նախատեսված եզրակացությունը,
ատեստավորման համար դիմելու ժամկետի ընթացքում ունեն ատեստավորման համար
կրկին դիմելու առնվազն երկու հնարավորություն՝ համաձայն համապատասխան նախարարի
հաստատած ժամանակացույցի:
14. Սույն հոդվածի 12-րդ մասով նախատեսված եզրակացությունները հաստատվում են
տվյալ ծառայողին պաշտոնի նշանակելու իրավասություն ունեցող պաշտոնատար անձի
հրամանով:
15. Քրեակատարողական ծառայողը պարտադիր ծանոթանում է ատեստավորման
արդյունքներին եւ կայացված եզրակացությանը: Քրեակատարողական ծառայողն իրավունք
ունի վերադասության կարգով բողոքարկելու ատեստավորման արդյունքները եւ կայացված
եզրակացությունը դրանց ծանոթանալու օրվանից հետո՝ ոչ ուշ, քան հինգ աշխատանքային
օրվա ընթացքում, կամ դատական կարգով:
16. Ատեստավորման արդյունքներով հաշվարկվող հավելավճարի չափը եւ վճարման կարգը
սահմանվում են Կառավարության որոշմամբ: Սույն հոդվածի համաձայն՝ հավելավճար
հաշվարկվելու դեպքում ծառայողներին «Պետական պաշտոններ եւ պետական ծառայության
պաշտոններ զբաղեցնող անձանց վարձատրության մասին» օրենքի 32-րդ հոդվածի 6-րդ
մասով սահմանված լրավճարը եւ քրեակատարողական ծառայության պաշտոն
զբաղեցնողների համար նախատեսված հավելումները չեն հաշվարկվում:
(20.1-ին հոդվածը լրաց. 03.10.23 ՀՕ-305-Ն)
(03.10.23 ՀՕ-305-Ն օրենքն ունի անցումային դրույթ)

Հոդված 22.

1. Քրեակատարողական ծառայության պետին եւ նրա տեղակալներին, ինչպես նաեւ
քրեակատարողական հիմնարկների պետերին սույն օրենքով սահմանված կարգով այլ
պաշտոնի փոխադրում է համապատասխան նախարարը` քրեակատարողական
ծառայության պետի առաջարկությամբ:
2. Քրեակատարողական ծառայության պաշտոնների գլխավոր, առաջատար, միջին եւ
կրտսեր խմբերում քրեակատարողական ծառայողներին սույն օրենքով սահմանված կարգով
այլ պաշտոնի փոխադրում է քրեակատարողական ծառայության պետը, բացառությամբ սույն
հոդվածի առաջին մասով նախատեսված դեպքերի:
(22-րդ հոդվածը խմբ., փոփ., լրաց. 15.06.06 ՀՕ-125-Ն, փոփ. 23.03.18 ՀՕ-282-Ն,
21.01.20 ՀՕ-14-Ն)

Հոդված 24.

1. «Հանրային ծառայության մասին» օրենքի 19-րդ հոդվածով նախատեսված հիմնական
պարտականություններից բացի, քրեակատարողական ծառայողի հիմնական
պարտականություններն են՝
1) սահմանված կարգով եւ ժամկետներում առաջարկությունները, դիմումները եւ բողոքները
քննության առնելը եւ դրանց ընթացք տալը.
2) պետական կամ օրենքով պահպանվող այլ գաղտնիք պարունակող փաստաթղթերի հետ
աշխատելու` Հայաստանի Հանրապետության օրենսդրությամբ սահմանված պահանջները
պահպանելը.
3) կարգապահական կանոնակարգը պահպանելը:
2. Քրեակատարողական ծառայության կարգապահական կանոնակարգը հաստատում է
Կառավարությունը:
(24-րդ հոդվածը լրաց. 17.11.09 ՀՕ-218-Ն, փոփ. 23.03.18 ՀՕ-282-Ն, խմբ. 21.01.20 ՀՕ-
14-Ն, փոփ. 01.03.23 ՀՕ-95-Ն)

Հոդված 25.1.

1. Քրեակատարողական ծառայությունը՝
1) օրենքով սահմանված կարգով կատարում է Հայաստանի Հանրապետության քրեական
օրենսգրքով նախատեսված, դատարանի նշանակած պատիժները,
2) ապահովում է օրենքով սահմանված հիմքերով եւ կարգով անձանց կալանքի տակ
պահելը,
3) կազմակերպում է քրեակատարողական հիմնարկների պահպանությունը,
ազատությունից զրկելու ձեւով պատիժ կրող դատապարտյալների եւ կալանավորված անձանց
փոխադրումը,
4) քրեակատարողական հիմնարկներում ապահովում է օրինականություն, ինչպես նաեւ
կալանավորված անձանց եւ դատապարտյալների` իրենց իրավունքներից եւ
ազատություններից օգտվելու երաշխիքներ,
5) ապահովում է քրեակատարողական հիմնարկներում պահվող անձանց, այդ
հիմնարկների անձնակազմերի եւ այնտեղ գտնվող այլ անձանց անվտանգությունը,
6) ապահովում է կալանավորված անձանց եւ դատապարտյալների կյանքի ու առողջության
պահպանման, անձնական եւ մշակութային, կրթական եւ հոգեւոր զարգացման համար
պատշաճ պայմաններ,
7) կազմակերպում է կալանավորված անձանց եւ դատապարտյալների`
քրեակատարողական հիմնարկում գտնվելու կապակցությամբ սոցիալական, հոգեբանական
եւ իրավական աշխատանքներ,
8) ապահովում է քրեակատարողական հիմնարկների եւ մարմինների նյութատեխնիկական
եւ սոցիալական պայմանների բարելավումը,
9) ապահովում է կալանավորված անձանց եւ դատապարտյալների զբաղվածությունը,
10) դատարանների դատավճիռների եւ քրեական գործերով կայացված որոշումների
համաձայն՝ յուրաքանչյուր քրեակատարողական հիմնարկի համար սահմանված
առավելագույն լրակազմին համապատասխան` կազմակերպում է կալանավորված անձանց եւ
դատապարտյալների տեղաբաշխման աշխատանքները,
11) ձեռնարկում է միջոցներ կալանավորված անձանց եւ դատապարտյալների բժշկական
օգնությունը եւ սպասարկումը կազմակերպելու, առողջապահական մարմինների բժշկական
օգնություն եւ սպասարկում իրականացնող հաստատություններից օգտվելու եւ այդ
նպատակով դրանց բժշկական անձնակազմին ներգրավելու համար,
12) քրեակատարողական հիմնարկների համապատասխան ստորաբաժանումներին
ցուցաբերում է մեթոդական եւ գործնական աջակցություն,
13) վարում է քրեակատարողական ծառայության արխիվային քարտադարանը,
ապահովում է կալանավորված անձանց եւ դատապարտյալների քարտային տվյալների,
ինչպես նաեւ նրանց նկատմամբ կիրառվող խրախուսանքի եւ տույժի միջոցների մասին
տվյալների համակարգչային մուտքագրումն ու պահպանումը, իրականացնում է նրանց
հաշվառման եւ հաշվառումից հանելու հետ կապված այլ գործառույթներ,
14) կազմակերպում եւ իրականացնում է քրեակատարողական հիմնարկներում գտնվող
կալանավորված անձանց եւ դատապարտյալների հետ սոցիալական, հոգեբանական եւ
իրավական աշխատանքներ, ուսումնասիրում եւ վերլուծում է այդ աշխատանքների
կատարման ընթացքը, թերությունները վերացնելու համար ձեռնարկում է միջոցներ եւ նշված
խնդիրների լուծման համար կատարում է այլ գործառույթներ,
15) իրականացնում է քրեակատարողական ծառայությանը վերաբերող փաստաթղթերի`
ժամանակին եւ պատշաճ ընդունման, հաշվառման, առաքման եւ պահպանման գործընթացը,
16) ամփոփում է քրեակատարողական ծառայության կառուցվածքային
ստորաբաժանումների կողմից յուրաքանչյուր հաջորդ տարվա համար ներկայացված հայտ-
պահանջագրերը, դրանց հիման վրա կազմում է գնումների անվանացանկը եւ ներկայացնում է
ծառայության համապատասխան բաժին, դրա հիման վրա կազմում է գնման հայտեր,
17) իրականացնում է վերահսկողություն դատարանների կողմից դատավճիռների եւ
քրեական գործերով կայացված որոշումների պատշաճ կատարման, քրեակատարողական
հիմնարկներում կանոնակարգի պահպանման նկատմամբ,
18) իրականացնում է մշտական վերահսկողություն քրեակատարողական հիմնարկներում
տիրող իրավիճակի նկատմամբ, բացասական հետեւանքներ առաջացնող եւ իրավիճակը
վատթարացնող արտակարգ իրավիճակների ժամանակ ձեռնարկում է անհրաժեշտ
անհետաձգելի գործողություններ` իրավիճակը կայունացնելու համար, անցկացնում է

ծառայողական ստուգումներ կամ քննություններ, պարզում ու վերլուծում է դրանց
պատճառները, ինչպես նաեւ մշակում եւ իրականացնում է միջոցառումներ` հետագայում նման
դեպքերը բացառելու նպատակով,
19) դատապարտյալների եւ կալանավորված անձանց մոտ օրինապահ վարքագիծ
ձեւավորելու նպատակով մշակում եւ իրականացնում է հոգեբանական, սոցիալական,
մանկավարժական եւ այլ ծրագրեր` համագործակցելով հասարակական եւ այլ
կազմակերպությունների, ինչպես նաեւ քաղաքացիների հետ,
20) կալանավորված անձանց եւ դատապարտյալների կրթությունը եւ մասնագիտական
պատրաստվածությունն ապահովելու նպատակով ձեռնարկում է միջոցներ,
21) իրականացնում է քրեակատարողական հիմնարկների շենքերի, շինությունների,
ինժեներատեխնիկական միջոցների սպասարկման եւ շահագործման հետ կապված
աշխատանքների կազմակերպումն ու համակարգումը, ձեռնարկում է միջոցներ դրանց
պահպանության, կալանավորված անձանց եւ դատապարտյալների հուսալի մեկուսացման,
նրանց նկատմամբ հսկողության արդյունավետության բարձրացման եւ նրանց կողմից իրենց
պարտականությունների կատարման եւ անվտանգության ապահովման համար,
22) կազմում է քրեակատարողական ծառայության (բացառությամբ քրեակատարողական
տեսչության) ընթացիկ եւ հեռանկարային աշխատանքային ծրագրեր, կատարված
աշխատանքների մասին պատրաստում է կիսամյակային եւ տարեկան հաշվետվություն,
23) սահմանված կարգով կազմակերպում է համաներման եւ ներման ակտերի կատարումը,
24) կազմակերպում է քրեակատարողական ծառայության եւ քրեակատարողական
հիմնարկների ֆինանսական եւ նյութատեխնիկական, այդ թվում` ինժեներատեխնիկական,
պահպանության եւ կապի միջոցներով, զենքով, զինամթերքով, հատուկ եւ անհատական
պաշտպանության միջոցներով ապահովումը, ինչպես նաեւ հսկողություն է իրականացնում
դրանց բաշխման, պահպանման, օգտագործման նկատմամբ,
25) ընդհանրացնում եւ վերլուծում է քրեական պատիժների կատարման, ինչպես նաեւ
կալանավորված անձանց եւ դատապարտյալների մասին վիճակագրական ու
տեղեկատվական բնույթի տվյալները,
26) կազմակերպում եւ անցկացնում է քրեակատարողական ծառայողների
ատեստավորումը,
27) կազմակերպում է փոխադրվելու, ինչպես նաեւ կոչումների շնորհման գործընթացը,
28) ապահովում է քրեակատարողական հիմնարկներում պահվող կալանավորված անձանց
եւ դատապարտյալներին սննդամթերքով, հանդերձանքով, անկողնային եւ
սանիտարահիգիենիկ պարագաներով, կենցաղային սպասարկման սարքավորումներով,
խոհանոցային պարագաներով եւ գույքով, ինչպես նաեւ համակարգի անձնակազմին՝
ծառայողական հանդերձանքով,
29) իրականացնում է հսկողություն անձնակազմի կողմից հանդերձանք կրելու կանոնների
պահպանման նկատմամբ,
30) մասնակցում է քրեակատարողական հիմնարկների զարգացման ծրագրերի մշակման
աշխատանքներին:
(25.1-ին հոդվածը լրաց. 23.03.18 ՀՕ-282-Ն)

Հոդված 26.

(վերնագիրը փոփ. 23.03.18 ՀՕ-282-Ն)

1. Քրեակատարողական ծառայության պետը`
1) ղեկավարում եւ հսկում է քրեակատարողական ծառայության գործունեությունը.
2) ապահովում է սույն օրենքի, Հայաստանի Հանրապետության այլ օրենքների ու
իրավական ակտերի պահանջների, ինչպես նաեւ համապատասխան նախարարի
հրամանների եւ ցուցումների կատարումը.
3) ընդունում է քրեակատարողական ծառայության գործունեության կազմակերպմանն
ուղղված հրամաններ, տալիս է ցուցումներ, Հայաստանի Հանրապետության
քրեակատարողական օրենսգրքի 16-րդ հոդվածի 2-րդ մասով նախատեսված՝
քրեակատարողական ծառայության կենտրոնական մարմնում գործող տեղաբաշխման
հանձնաժողովի կայացրած որոշումների վերանայման արդյունքով կայացնում է որոշումներ,
անհրաժեշտության դեպքում հայտարարում է տագնապ, այդ թվում` ուսումնական տագնապ
կամ ուժեղացված ծառայություն.
4) առաջարկություններ է ներկայացնում համապատասխան նախարարին` ծառայության
կառուցվածքի, իր տեղակալների միջեւ պարտականությունների բաշխման,
քրեակատարողական ծառայության պաշտոններում նշանակելու կամ պաշտոնից ազատելու
վերաբերյալ.
5) (կետն ուժը կորցրել է 21.01.20 ՀՕ-14-Ն)
6) (կետն ուժը կորցրել է 21.01.20 ՀՕ-14-Ն)
7) (կետն ուժը կորցրել է 21.01.20 ՀՕ-14-Ն)
8) միջնորդություն է ներկայացնում համապատասխան նախարարին`
քրեակատարողական ծառայողներին խրախուսելու կամ նրանց նկատմամբ
կարգապահական տույժեր կիրառելու մասին.
9) քննարկում է քրեակատարողական ծառայողների նկատմամբ բերված բողոքները.
10) քննարկում եւ փոփոխում է, ուժը կորցրած է ճանաչում կամ վերացնում է

համապատասխան քրեակատարողական ծառայողների անօրինական կամ անհիմն
հրամանները եւ ցուցումները.
11) նշանակում է ծառայողական քննություններ.
12) իր իրավասության սահմաններում խրախուսանքի կամ կարգապահական տույժի է
ենթարկում քրեակատարողական ծառայողներին.
13) ծառայողական քննության ժամանակահատվածում կարող է ժամանակավորապես
դադարեցնել իր կողմից պաշտոնում նշանակված քրեակատարողական ծառայողի
լիազորությունները.
14) իրականացնում է օրենքով եւ իրավական այլ ակտերով, ինչպես նաեւ
քրեակատարողական ծառայության կենտրոնական մարմնի կանոնադրությամբ սահմանված
այլ լիազորություններ:
2. Քրեակատարողական ծառայության պետը պատասխանատվություն է կրում
քրեակատարողական ծառայության խնդիրների իրականացման համար:
(26-րդ հոդվածը լրաց., փոփ. 15.06.06 ՀՕ-125-Ն, փոփ. 08.04.08 ՀՕ-11-Ն, խմբ.
17.11.09 ՀՕ-218-Ն, փոփ. 23.03.18 ՀՕ-282-Ն, 21.01.20 ՀՕ-14-Ն, լրաց., խմբ. 03.10.23 ՀՕ-
305-Ն)
(03.10.23 ՀՕ-305-Ն օրենքն ունի անցումային դրույթ)

Հոդված 27.

(հոդվածն ուժը կորցրել է 08.04.08 ՀՕ-11-Ն)

Հոդված 28.

1. Քրեակատարողական հիմնարկը ղեկավարում է պետը, որը`
1) կազմակերպում եւ հսկում է քրեակատարողական հիմնարկի` օրենքով սահմանված
խնդիրների իրականացման աշխատանքները.
2) կազմակերպում է համապատասխան նախարարի եւ քրեակատարողական ծառայության
պետի հրամանների եւ ցուցումների կատարումը, առաջարկություններ է ներկայացնում
քրեակատարողական ծառայության պետին քրեակատարողական հիմնարկի ծառայողների
թեկնածությունների վերաբերյալ.
3) կատարում է աշխատանքի բաժանում իր տեղակալների միջեւ.
4) համակարգում է քրեակատարողական հիմնարկի քրեակատարողական ծառայողների եւ
վարձու աշխատողների աշխատանքները.
5) միջնորդություններ է ներկայացնում քրեակատարողական ծառայության պետին`
քրեակատարողական ծառայողներին խրախուսանքի կամ կարգապահական տույժի
ենթարկելու վերաբերյալ.
6) իր իրավասության սահմաններում խրախուսանքի կամ կարգապահական տույժի է
ենթարկում քրեակատարողական ծառայողներին եւ վարձու աշխատողներին, նշանակում եւ
անցկացնում է ծառայողական քննություն, սահմանված կարգով քրեակատարողական
ծառայողներին տրամադրում է արձակուրդ.
7) կազմակերպում է քրեակատարողական հիմնարկում եւ դրան հարող տարածքներում
անվտանգության եւ պահպանության պահանջների կատարման նկատմամբ հսկողության
իրականացումը.
8) սահմանված կարգով միջնորդություններ է ներկայացնում քրեակատարողական
ծառայության պետին` քրեակատարողական հիմնարկի կառուցվածքի եւ հաստիքների
վերաբերյալ.
9) դատապարտյալներին աշխատանքի ներգրավելու, քրեակատարողական հիմնարկի
սոցիալական ոլորտը զարգացնելու նպատակով կազմակերպում է քրեակատարողական
հիմնարկի եւ այլ կազմակերպությունների համագործակցությունը.
10) իր իրավասության սահմաններում ընդունում է հրամաններ եւ տալիս է ցուցումներ,
անհրաժեշտության դեպքում քրեակատարողական հիմնարկում հայտարարում է տագնապ,
այդ թվում` ուսումնական տագնապ կամ ուժեղացված ծառայություն.
11) (կետն ուժը կորցրել է 17.11.09 ՀՕ-218-Ն)
12) իրականացնում է սույն օրենքով եւ այլ իրավական ակտերով, ինչպես նաեւ
քրեակատարողական հիմնարկի կանոնադրությամբ իրեն վերապահված այլ
լիազորություններ:
2. Քրեակատարողական հիմնարկի ղեկավարը պատասխանատվություն է կրում հիմնարկի
խնդիրների իրականացման համար:
(28-րդ հոդվածը լրաց. 15.06.06 ՀՕ-125-Ն, խմբ. 15.11.06 ՀՕ-178-Ն, փոփ. 17.11.09 ՀՕ-
218-Ն, 23.03.18 ՀՕ-282-Ն)

Հոդված 30.

պաշտպանությունը եւ սոցիալական ապահովությունը
1. Քրեակատարողական ծառայողը, ինչպես նաեւ նրա ընտանիքի անդամները գտնվում են
պետության պաշտպանության ներքո, եւ նրանց անվտանգությունը երաշխավորվում է
օրենքով:
2. Քրեակատարողական ծառայողի եւ նրա ընտանիքի անդամների սոցիալական
ապահովության հարցերը կարգավորվում են «Զինվորական ծառայության եւ զինծառայողի
կարգավիճակի մասին» Հայաստանի Հանրապետության օրենքով եւ այլ իրավական ակտերով:
(30-րդ հոդվածը փոփ. 03.10.23 ՀՕ-305-Ն)
(03.10.23 ՀՕ-305-Ն օրենքն ունի անցումային դրույթ)

Հոդված 31.

1. Քրեակատարողական ծառայողին անվճար տրվում է քրեակատարողական ծառայողի
հանդերձանք, այդ թվում` համազգեստ, որի նկարագիրը, այն տրամադրելու, կրելու կարգը եւ
պայմանները, ինչպես նաեւ այն կրելու ժամկետները սահմանում է Կառավարությունը:
2. Քրեակատարողական ծառայողին տրվում է սահմանված ձեւի վկայական, որի ձեւը եւ
տրամադրելու կարգը սահմանում է համապատասխան նախարարը:
(31-րդ հոդվածը փոփ. 23.03.18 ՀՕ-282-Ն)

Հոդված 32.

սահմանափակումները

1. Ի լրումն «Հանրային ծառայության մասին» օրենքի 32-րդ հոդվածով սահմանված
սահմանափակումների՝ քրեակատարողական ծառայողն իրավունք չունի՝
1) լինելու ներկայացուցիչ դատարանում, բացառությամբ օրինական ներկայացուցիչ լինելու
եւ ի պաշտոնե գործելու դեպքերի.
2) լինելու որեւէ կուսակցության անդամ կամ այլ կերպ զբաղվելու քաղաքական
գործունեությամբ:
2.
(32-րդ հոդվածը փոփ. 17.11.09 ՀՕ-218-Ն, 19.03.12 ՀՕ-121-Ն, խմբ. 21.01.20 ՀՕ-14-Ն)
(հոդվածը 12.06.24 ՀՕ-278-Ն օրենքի փոփոխության մասով ուժի մեջ է
մտնում «Խաղային գործունեության կարգավորման մասին» օրենքն ամբողջությամբ
գործողության մեջ դրվելու օրվանից)

Հոդված 34.

դեպքում ծառայությունից ազատելը
Քրեակատարողական ծառայողը ժամանակավոր անաշխատունակության դեպքում
առողջապահական հաստատության համապատասխան տեղեկանքի հիման վրա կարող է
ժամանակավորապես ազատվել իր պաշտոնեական պարտականությունների կատարումից ոչ
ավելի, քան 120 օր անընդմեջ, կամ վերջին տասներկու ամսվա ընթացքում ոչ ավելի, քան 140
օր:

Հոդված 36.

տույժերը
1. «Քաղաքացիական ծառայության մասին» օրենքով սահմանված դեպքերում եւ կարգով
քրեակատարողական ծառայողների նկատմամբ կիրառվում են «Քաղաքացիական
ծառայության մասին» օրենքով սահմանված կարգապահական տույժերը:
2. Քրեակատարողական ծառայողի նկատմամբ կարող է կիրառվել նաեւ կոչման իջեցում
մեկ աստիճանով կարգապահական տույժը՝ մեկ անգամ, կոչումը շնորհած պաշտոնատար
անձի կողմից:
3. Քրեակատարողական ծառայողների նկատմամբ կարգապահական տույժ կիրառում է
քրեակատարողական ծառայության պետը: Քրեակատարողական ծառայության պետի
հրամանով որոշ կարգապահական տույժերի նշանակման լիազորությունը կարող է
պատվիրակվել այլ պաշտոնատար անձանց:
(36-րդ հոդվածը խմբ., լրաց. 15.06.06 ՀՕ-125-Ն, փոփ. 08.04.08 ՀՕ-11-Ն, խմբ. 17.11.09
ՀՕ-218-Ն, փոփ. 23.03.18 ՀՕ-282-Ն, խմբ. 21.01.20 ՀՕ-14-Ն)

Հոդված 37.

(վերնագիրը խմբ. 21.01.20 ՀՕ-14-Ն)

1. (մասն ուժը կորցրել է 21.01.20 ՀՕ-14-Ն)
1.1. (մասն ուժը կորցրել է 21.01.20 ՀՕ-14-Ն)
2. (մասն ուժը կորցրել է 21.01.20 ՀՕ-14-Ն)
3. (մասն ուժը կորցրել է 21.01.20 ՀՕ-14-Ն)
4. (մասն ուժը կորցրել է 21.01.20 ՀՕ-14-Ն)
5. (մասն ուժը կորցրել է 21.01.20 ՀՕ-14-Ն)
6. (մասն ուժը կորցրել է 21.01.20 ՀՕ-14-Ն)
7. (մասն ուժը կորցրել է 21.01.20 ՀՕ-14-Ն)
8. Ծառայողական քննության ժամանակահատվածում քրեակատարողական ծառայողի
լիազորությունները կարող են ժամանակավորապես դադարեցվել` վարձատրության
պահպանմամբ, եթե բավարար հիմքեր կան ենթադրելու, որ պաշտոնում մնալով` նա

կխոչընդոտի ծառայողական քննությանը:
9. (մասն ուժը կորցրել է 25.03.21 ՀՕ-127-Ն)
(37-րդ հոդվածը լրաց. 17.11.09 ՀՕ-218-Ն, փոփ. 12.12.13 ՀՕ-165-Ն, 23.03.18 ՀՕ-282-
Ն, խմբ. 24.10.19 ՀՕ-201-Ն, խմբ., փոփ. 21.01.20 ՀՕ-14-Ն, փոփ. 25.03.21 ՀՕ-127-Ն)

Հոդված 38.

սահմանափակումները
(հոդվածն ուժը կորցրել է 21.01.20 ՀՕ-14-Ն)

Հոդված 40.

1. Քրեակատարողական ծառայողը քրեակատարողական ծառայությունում զբաղեցրած

պաշտոնից ազատվում է`
1) անձնական նախաձեռնությամբ` գրավոր դիմումի հիման վրա.
2) հաստիքների կրճատման, ստորաբաժանման լուծարման կամ վերակազմակերպման
դեպքում` այլ պաշտոնի նշանակվելիս.
3) հաստիքների կրճատման, ստորաբաժանման լուծարման կամ վերակազմակերպման
դեպքում, եթե քրեակատարողական ծառայողին համապատասխան պաշտոնում նշանակելը
հնարավոր չէ, եւ հաստիքների կրճատումը պայմանավորված է տվյալ կառուցվածքային
ստորաբաժանման հաստիքների ընդհանուր թվի կրճատմամբ.
4) առողջական վիճակի պատճառով` տվյալ պաշտոնում հետագա ծառայությունը
շարունակելու անհնարինության դեպքում.
5) (կետն ուժը կորցրել է 21.01.20 ՀՕ-14-Ն)
6) (կետն ուժը կորցրել է 21.01.20 ՀՕ-14-Ն)
7) (կետն ուժը կորցրել է 21.01.20 ՀՕ-14-Ն)
(40-րդ հոդվածը փոփ. 21.01.20 ՀՕ-14-Ն)

Հոդված 41.

սահմանափակումները

1. Քրեակատարողական ծառայողների համար պաշտոն զբաղեցնելու սահմանային տարիք
է համարվում կրտսեր, միջին եւ առաջատար խմբի պաշտոններ զբաղեցնողների համար` 55
տարեկանը, գլխավոր խմբի պաշտոններ զբաղեցնողների համար` 60 տարեկանը, իսկ
քրեակատարողական ծառայության պետի եւ նրա տեղակալների համար` 65 տարեկանը:
2. Քրեակատարողական ծառայությունից ազատումը, սույն օրենքի 39-րդ հոդվածի 1-ին
մասի 3-րդ կետին համապատասխան, կատարվում է սույն հոդվածի 1-ին մասով սահմանված
տարիքը լրանալուց հետո` հաջորդ ամսվա 1-ին:
(41-րդ հոդվածը խմբ. 17.11.09 ՀՕ-218-Ն, փոփ. 21.01.20 ՀՕ-14-Ն)

Հոդված 42.

վճարումները եւ կենսաթոշակի ապահովումը
Քրեակատարողական ծառայությունից ազատվածներին տրվող վճարումները,
արտոնությունները, կենսաթոշակի ապահովումը եւ կենսաթոշակ նշանակելու պայմանները,
տեսակները, կենսաթոշակի անցնելու կապակցությամբ տրվող դրամական օգնությունը եւ
վճարումները, ծառայության ստաժի հաշվարկման կարգը, ինչպես նաեւ սոցիալական
ապահովության հետ կապված մյուս հարաբերությունները սահմանվում են «Պետական
պաշտոններ եւ պետական ծառայության պաշտոններ զբաղեցնող անձանց վարձատրության
մասին» Հայաստանի Հանրապետության օրենքով, զինծառայողների սոցիալական
ապահովության հարաբերությունները կարգավորող օրենքներով եւ այլ իրավական ակտերով:
(42-րդ հոդվածը լրաց. 12.12.13 ՀՕ-165-Ն, 21.01.20 ՀՕ-14-Ն)

Հոդված 43.

1. Քրեակատարողական ծառայության կադրերի ռեզերվում գրանցվում են սույն օրենքի 40-
րդ հոդվածի 1-ին մասի 3-5-րդ կետերով նախատեսված հիմքերով զբաղեցրած պաշտոնից
ազատված ծառայողները: Քրեակատարողական ծառայության կրտսեր խմբի պաշտոններ
զբաղեցնող ծառայողները կադրերի ռեզերվում չեն գրանցվում:
2. Քրեակատարողական ծառայության կադրերի ռեզերվում ծառայողի միանգամյա
գտնվելու առավելագույն ժամկետը 6 ամիս է, սակայն ոչ ավելի, քան ծառայողի 65 տարին
լրանալը:
3. Քրեակատարողական ծառայության կադրերի ռեզերվում գտնվելու առաջին չորս
ամիսների համար ծառայողին վճարվում է նրա զբաղեցրած վերջին պաշտոնի համար
սահմանված պաշտոնային դրույքաչափը: Այն դեպքում, երբ քրեակատարողական
ծառայության կադրերի ռեզերվում գտնվելու ընթացքում ծառայողն անձնական
նախաձեռնությամբ ազատվում է քրեակատարողական ծառայությունից, ապա
քրեակատարողական ծառայողի վարձատրությունն իրականացվում է կադրերի ռեզերվում
փաստացի գտնվելու ժամանակաշրջանին համապատասխան:
4. Քրեակատարողական ծառայության կադրերի ռեզերվը վարվում է «Քաղաքացիական
ծառայության մասին» օրենքով սահմանված կարգով:
(43-րդ հոդվածը խմբ. 12.12.13 ՀՕ-165-Ն, փոփ. 23.03.18 ՀՕ-282-Ն, խմբ. 21.01.20 ՀՕ-
14-Ն)

Հոդված 45.

Ծառայությունում փոխադրելու, պաշտոնը կամ կոչումն իջեցնելու, կարգապահական
տույժի ենթարկելու, ծառայությունից ազատելու հետ չհամաձայնվելու դեպքում
քրեակատարողական ծառայողը կարող է վերադասության կամ դատական կարգով
բողոքարկել այդ հրամանը` հրամանին ստորագրությամբ ծանոթանալու օրվանից հետո`
մեկամսյա ժամկետում:

Հոդված 46.

վերականգնումից հետո
1. Ծառայությունից անհիմն կամ անօրինական ազատված եւ հետագայում վերականգնված
ծառայողի անընդմեջ ծառայության ստաժում, հերթական կոչում շնորհելու ժամկետում,
տոկոսային հավելավճարը հաշվարկելիս եւ կենսաթոշակ նշանակելիս հաշվարկվում է նաեւ
անհիմն կամ անօրինական ազատումից մինչեւ վերականգնումն ընկած ժամանակահատվածը:
2. Ծառայությունից անհիմն կամ անօրինական ազատված, կոչումը կամ պաշտոնն
իջեցված ծառայողներին մինչեւ դրանց վերականգնումն ընկած ժամանակահատվածի համար
տրվում է դրամական փոխհատուցում` նրան չվճարված աշխատավարձի չափով:
Քրեակատարողական այն ծառայողներին, ովքեր ազատման պահից մինչեւ
վերականգնվելն աշխատել են այլ կազմակերպություններում կամ զբաղվել են
ձեռնարկատիրական գործունեությամբ, ստանում են հատուցում, եթե այլ աշխատանքից
ստացած ամսական եկամուտը ավելի քիչ է, քան զբաղեցրած պաշտոնին
համապատասխանող պաշտոնային դրույքաչափը: Հատուցումը վճարվում է նրանց`
ծառայությունում զբաղեցրած վերջին պաշտոնի պաշտոնեական դրույքաչափի եւ
ծառայությունից ազատված ժամանակահատվածում ստացած ամսական եկամտի միջեւ եղած
տարբերության չափով:
(46-րդ հոդվածը փոփ. 12.12.13 ՀՕ-165-Ն, 24.10.19 ՀՕ-201-Ն)

Հոդված 48.

Քրեակատարողական ծառայողն իրավունք ունի գործադրելու ֆիզիկական ուժ
քրեակատարողական հիմնարկում գտնվող անձի կողմից քրեակատարողական ծառայողի
օրինական պահանջները չկատարելու կամ պարտականությունների կատարմանը
խոչընդոտելու յուրաքանչյուր դեպքում:

Հոդված 49.

միջոցներ գործադրելը
1. Քրեակատարողական հիմնարկներում քաղաքացիական զենք կամ հատուկ միջոցներ
կարող են գործադրվել հետեւյալ դեպքերում.
1) քրեակատարողական ծառայողների կամ այլ անձանց վրա քրեակատարողական
հիմնարկում պահվող անձանց հարձակումը հետ մղելիս.

2) քրեակատարողական հիմնարկների ներքին կանոնակարգի խմբակային խախտումների
կամ զանգվածային անկարգությունների ժամանակ.
3) քրեակատարողական ծառայողների եւ կարգուկանոն հաստատելուն ներգրավված այլ
անձանց օրինական պահանջներին չենթարկվելու դեպքում` քրեակատարողական
հիմնարկում պահվող անձանց հակաօրինական գործողությունները կանխելիս.
4) պատանդներին, զավթված շենքերը, շինությունները, կառույցները եւ տրանսպորտային
միջոցներն ազատելիս.
5) քրեակատարողական հիմնարկում պահվող անձի` շրջապատին վնաս հասցնելու փորձը
կանխելիս.
6) սույն օրենքի 50-րդ հոդվածի 1-ին մասով նախատեսված դեպքերում:
2. Սույն հոդվածի 1-ին մասով նախատեսված դեպքերում որպես քաղաքացիական զենք
կարող են կիրառվել կայծային պարպիչ, էլեկտրահարող սարք, ինչպես նաեւ գազային
ատրճանակ:
3. Սույն հոդվածի 1-ին մասով նախատեսված դեպքերում որպես հատուկ միջոցներ կարող
են կիրառվել ռետինե մահակներ, ձեռնաշղթաներ եւ ոտնաշղթաներ, ուշադրությունը շեղող
լուսաձայնային միջոցներ, արգելքներ քանդող միջոցներ, ջրանետեր կամ զրահամեքենաներ,
ծառայողական շներ, ինչպես նաեւ մարդու առողջությանը վնաս չպատճառող յուրաքանչյուր
այլ միջոց:
4. Արգելվում է քաղաքացիական զենք կամ հատուկ միջոցներ գործադրել հղիության
ակնհայտ նշաններ ունեցող կանանց, ակնհայտ հաշմանդամություն ունեցող անձանց եւ
անչափահասների նկատմամբ, բացառությամբ նրանց կողմից զինված դիմադրություն ցույց
տալու եւ քրեակատարողական ծառայողի կյանքին կամ առողջությանը սպառնացող
գործողություններ կատարելու դեպքերի:
(49-րդ հոդվածը փոփ. 07.02.24 ՀՕ-63-Ն)

Հոդված 50.

(վերնագիրը փոփ. 16.01.24 ՀՕ-38-Ն)

1. Քրեակատարողական հիմնարկներում զենք գործադրվում է հետեւյալ դեպքերում.
1) քրեակատարողական ծառայողների, քրեակատարողական հիմնարկում գտնվող
անձանց կյանքին կամ առողջությանը սպառնացող հարձակումները հետ մղելիս, ինչպես նաեւ
զենքին տիրելու փորձերը խափանելիս.
2) քրեակատարողական հիմնարկների շենքերի, շինությունների, տրանսպորտային
միջոցների վրա խմբակային կամ զինված հարձակումը խափանելիս.
3) զինված դիմադրություն ցույց տվող, ինչպես նաեւ քրեակատարողական ծառայողի կամ
քրեակատարողական հիմնարկում գտնվող այլ անձի կյանքի եւ առողջության դեմ ուղղված
ծանր հանցանք կատարող անձանց դեպքի վայրում ձերբակալելիս.
4) պատանդներին, զավթված շենքերը, շինությունները, կառույցները եւ տրանսպորտային
միջոցներն ազատելիս.
5) քրեակատարողական ծառայողի՝ զենքը հանձնելու պահանջը կատարելուց հրաժարվող
անձին ձերբակալելիս.
6) քրեակատարողական հիմնարկում պահվող անձին բռնի ուժով ազատելու փորձը
կանխելիս.
7) զինված կամ տրանսպորտային միջոցի գործադրմամբ հարձակումը հետ մղելիս.
8) քրեակատարողական հիմնարկում պահվող անձանց կողմից քրեակատարողական
ծառայողին զենքով կամ այնպիսի առարկաներով մոտենալիս, որոնցով հնարավոր է մարդու
առողջությանը վնաս հասցնել՝ տվյալ ծառայողի նշած տարածության սահմանը խախտելու
դեպքում.
9) քրեակատարողական հիմնարկներից կամ փոխադրման ընթացքում
քրեակատարողական հիմնարկում պահվող անձանց փախուստի փորձը կանխելիս.
10) հրազեն գործադրելու մտադրության մասին նախազգուշացնելիս, տագնապի
ազդանշան տալիս եւ օգնություն կանչելիս:
2. Արգելվում է զենք գործադրել հղիության ակնհայտ նշաններ ունեցող կանանց, ակնհայտ
հաշմանդամություն ունեցող անձանց կամ անչափահասների նկատմամբ, բացառությամբ
նրանց կողմից զինված դիմադրություն ցույց տալու եւ քրեակատարողական ծառայողի
կյանքին կամ առողջությանը սպառնացող գործողություններ կատարելու դեպքերի:
3. Զենք գործադրելիս քրեակատարողական ծառայողները պարտավոր են ձեռնարկել բոլոր
միջոցները՝ այլ անձանց անվտանգությունն ապահովելու եւ տուժածներին բուժօգնություն
ցուցաբերելու ուղղությամբ:
4. Քրեակատարողական ծառայողներն իրավունք ունեն բացելու եւ մարտական վիճակի
բերելու զենքը, եթե գտնում են, որ ստեղծված իրավիճակում կարող են ծագել զենք
գործադրելու՝ սույն հոդվածով նախատեսված հիմքեր:
(50-րդ հոդվածը փոփ. 16.01.24 ՀՕ-38-Ն, 07.02.24 ՀՕ-63-Ն)

Հոդված 51.

սահմանները
1. Քրեակատարողական ծառայողը, սույն օրենքի 48-50-րդ հոդվածներով նախատեսված
դեպքերում եւ կարգով, իրավունք ունի գործադրելու ֆիզիկական ուժ, հատուկ միջոցներ եւ

զենք, եթե այլ միջոցները չեն ապահովում նրա վրա դրված պարտականությունների
կատարումը:
2. Ֆիզիկական ուժ, հատուկ միջոցներ եւ զենք գործադրելիս քրեակատարողական
ծառայողը պարտավոր է`
1) նախազգուշացնել դրանք գործադրելու մտադրության մասին` անձին բավարար
ժամանակ տրամադրելով իր պահանջների կատարման համար, բացառությամբ այն
դեպքերի, երբ հապաղումն անմիջական վտանգ է ստեղծում քրեակատարողական ծառայողի
կյանքի կամ առողջության համար, կամ երբ ստեղծված իրադրությունում նման
նախազգուշացումն անհնար է.
2) դրանք գործադրել իրավախախտման կամ դիմադրության վտանգավորության բնույթին
եւ աստիճանին համաչափ.
3) մարմնական վնասվածքներ ստացած անձանց ցույց տալ առաջին օգնություն:
3. Ֆիզիկական ուժի, հատուկ միջոցների եւ զենքի գործադրման դեպքում
քրեակատարողական ծառայողն անմիջապես զեկուցում է վերադասության կարգով, իսկ
զենքի գործադրման բոլոր դեպքերի մասին` նաեւ դատախազին:
Ֆիզիկական ուժի, հատուկ միջոցների եւ զենքի գործադրման հետեւանքով առաջացած
մարմնական վնասվածքների, մահվան բոլոր դեպքերի մասին քրեակատարողական
ծառայության պետը կամ նրան փոխարինող պաշտոնատար անձն անմիջապես տեղյակ է
պահում առողջապահության եւ դատախազության համապատասխան մարմիններին:
4. Լիազորությունների վերազանցմամբ ֆիզիկական ուժի, հատուկ միջոցների եւ զենքի
գործադրումն առաջացնում է օրենքով սահմանված պատասխանատվություն:
(51-րդ հոդվածը խմբ. 07.04.09 ՀՕ-93-Ն, փոփ. 23.03.18 ՀՕ-282-Ն)

Հոդված 53.

լինելը

1. Քրեակատարողական ծառայողի` իր իրավասության սահմաններում առաջադրած
պահանջների կատարումը պարտադիր է բոլոր պետական ու տեղական ինքնակառավարման
մարմինների, պաշտոնատար անձանց, կազմակերպությունների եւ քաղաքացիների համար:
2. Քրեակատարողական ծառայողի օրինական պահանջները չկատարելը կամ նրա
պարտականությունների կատարմանը խոչընդոտելն առաջացնում է
պատասխանատվություն` օրենքով սահմանված կարգով:

Հոդված 54.

նրա գործունեության նկատմամբ
1. Քրեակատարողական ծառայողի գործողությունները կարող են բողոքարկվել
վերադասության կարգով կամ դատարան:
2. Քրեակատարողական ծառայողը, օրենքին համապատասխան, պատասխանատվություն
է կրում իր կատարած զանցանքների եւ այլ իրավախախտումների համար:
3. Քրեակատարողական ծառայողի կողմից անձանց պատճառված վնասը ենթակա է
հատուցման Հայաստանի Հանրապետության քաղաքացիական օրենսգրքով սահմանված
կարգով:
4. Քրեակատարողական ծառայողի կողմից հարկադրանքի միջոցների կիրառման
նկատմամբ հսկողությունը եւ վերահսկողությունն իրականացվում են օրենքով եւ այլ
իրավական ակտերով սահմանված կարգով:

Հոդված 55.

իրականացնող քաղաքացիները
1. Քրեակատարողական ծառայությունում տեխնիկական սպասարկում իրականացնող
անձինք, ինչպես նաեւ քրեակատարողական հիմնարկներում օրենքով սահմանված կարգով
տեխնիկական-տնտեսական սպասարկման աշխատանքներ իրականացնող

դատապարտյալները քրեակատարողական ծառայողներ չեն համարվում, եւ նրանց
աշխատանքային հարաբերությունները կարգավորվում են Հայաստանի Հանրապետության
օրենսդրությամբ սահմանված կարգով:
2. Քրեակատարողական ծառայությունում տեխնիկական սպասարկում իրականացնող
անձանց տրվում են համապատասխան նախարարի հաստատած նմուշի վկայականներ:
(55-րդ հոդվածը փոփ. 23.03.18 ՀՕ-282-Ն)

Հոդված 55.1.

1. Քրեակատարողական ծառայության պաշտոնի համար սահմանվում է պաշտոնի
անձնագիր: Պաշտոնի անձնագրի հաստատման եւ փոփոխման հարաբերությունները
կարգավորվում են «Քաղաքացիական ծառայության մասին» օրենքով սահմանված կարգով:
2. Քրեակատարողական ծառայության պաշտոնի անձնագիրը (աշխատատեղի
նկարագիրը) քրեակատարողական ծառայության իրավասությունը սահմանող իրավական
ակտերից եւ խնդիրներից բխող քրեակատարողական ծառայողի գործառույթները,
իրավունքներն ու պարտականությունները, շփումներն ու հաշվետվողականությունը
նկարագրող եւ այդ գործառույթները արդյունավետ իրականացնելու համար անհրաժեշտ
մասնագիտական գիտելիքներ ու կոմպետենցիաներ նախատեսող, կառավարման
համակարգում տեղակայվածությունը նախատեսող եւ սույն օրենքով սահմանված կարգով
հաստատված փաստաթուղթ է:
3. Քրեակատարողական ծառայության պաշտոնների անձնագրերը հաստատում է
քրեակատարողական ծառայության պետը:
(55.1-ին հոդվածը լրաց. 21.01.20 ՀՕ-14-Ն)

Հոդված 55.2.

1. Քրեակատարողական ծառայողի ծառայության ընթացքն արտացոլվում է նրա
անձնական գործում: Քրեակատարողական ծառայողի անձնական գործը վարում է
համապատասխան կառուցվածքային ստորաբաժանումը՝ «Քաղաքացիական ծառայության
մասին» օրենքով սահմանված կարգով:
(55.2-րդ հոդվածը լրաց. 21.01.20 ՀՕ-14-Ն)

Հոդված 55.3.

1. Քրեակատարողական ծառայողների էթիկայի հանձնաժողովի ձեւավորման,
գործունեության, քրեակատարողական ծառայողի վարքագծի կանոնները խախտելու եւ (կամ)
հանրային ծառայողի նկատմամբ կիրառվող այլ սահմանափակումները չպահպանելու եւ (կամ)
շահերի բախման կանոնները, նվերներ ընդունելու արգելքը խախտելու,
անհամատեղելիության պահանջները չպահպանելու հետ կապված հարաբերությունները
կարգավորվում են «Քաղաքացիական ծառայության մասին» օրենքով:
(55.3-րդ հոդվածը լրաց. 21.01.20 ՀՕ-14-Ն)

Հոդված 56.

Քրեակատարողական ծառայության նյութատեխնիկական ապահովման կարգը եւ
պայմանները սահմանում է Կառավարությունը:
(56-րդ հոդվածը փոփ. 23.03.18 ՀՕ-282-Ն)

Հոդված 57.

Սույն օրենքը խախտող անձինք պատասխանատվություն են կրում օրենքով սահմանված
կարգով:

Հոդված 59.

Քրեակատարողական ծառայողների առաջին ատեստավորումն անցկացվում է սույն
օրենքն ուժի մեջ մտնելուց հետո` վեց ամիս անց, եւ ավարտվում է 2007 թվականի հուլիսի 1-
ին, ընդ որում, յուրաքանչյուր տարի ատեստավորվում է քրեակատարողական ծառայողների
մեկ երրորդը:
Մինչեւ սույն օրենքի ուժի մեջ մտնելն առանց բարձրագույն կրթության
քրեակատարողական ծառայության միջին, առաջատար եւ գլխավոր խմբերում պաշտոն
զբաղեցնող ծառայողները շարունակում են զբաղեցնել իրենց պաշտոններն ատեստավորման
դրական արդյունքների դեպքում: Այդ ծառայողների ատեստավորումն իրականացվում է
առաջին հերթին:

Հոդված 60.

1. Քրեակատարողական ծառայողների նկատմամբ մինչեւ սույն օրենքի ուժի մեջ մտնելը
կիրառված կարգապահական տույժերը պահպանվում են:
2. Քրեակատարողական ծառայողին սույն օրենքի 39-րդ հոդվածի 1-ին մասի 6-րդ կետի եւ
40-րդ հոդվածի 1-ին մասի 6-րդ կետի հիմքով ծառայությունից կամ պաշտոնից ազատելիս
հաշվի են առնվում մինչ այդ նրա նկատմամբ կիրառված եւ սահմանված կարգով չմարված
կարգապահական տույժերը:

Հոդված 61.

1. Քրեակատարողական ծառայությունում ծառայության անցնելու կապակցությամբ
քրեակատարողական ծառայողներին նախկինում շնորհված կոչումները, անկախ
քրեակատարողական ծառայողների զբաղեցրած պաշտոններից, պահպանվում եւ
համապատասխանեցվում են սույն օրենքով սահմանված կոչումներին:
2. Սույն օրենքով սահմանված կարգով կոչումներ շնորհելիս նախկինում շնորհված կոչումով
ծառայության ժամկետը հաշվի է առնվում:
3. Մինչեւ սույն օրենքի ուժի մեջ մտնելը կրտսեր լեյտենանտի կոչում ստացած
քրեակատարողական ծառայողներին սույն օրենքն ուժի մեջ մտնելուց հետո` մեկամսյա
ժամկետում, շնորհվում է լեյտենանտի կոչում, իսկ շարքային կամ եֆրեյտորի կոչում ստացած
ծառայողին` կրտսեր սերժանտի կոչում: Այդ քրեակատարողական ծառայողների հերթական
կոչում շնորհելը, ինչպես նաեւ ծառայության մեջ առաջխաղացումը կատարվում են սույն
օրենքով սահմանված կարգով:

Հայաստանի Հանրապետության
ՆախագահՌ. Քոչարյան
2005 թ. օգոստոսի 4
Երեւան
ՀՕ-160-Ն
Փոփոխման պատմություն
Փոփոխող ակտՀամապատասխան ինկորպորացիան
12.06.2024, ՀՕ-278-Ն---------
07.02.2024, ՀՕ-63-Ն14.03.2024, ՀՕ-160-Ն
16.01.2024, ՀՕ-38-Ն15.02.2024, ՀՕ-160-Ն
16.01.2024, ՀՕ-26-Ն12.02.2024, ՀՕ-160-Ն
03.10.2023, ՀՕ-310-Ն25.10.2023, ՀՕ-160-Ն
03.10.2023, ՀՕ-305-Ն25.10.2023, ՀՕ-160-Ն
01.03.2023, ՀՕ-95-Ն06.04.2023, ՀՕ-160-Ն
23.12.2022, ՀՕ-614-Ն29.01.2023, ՀՕ-160-Ն
09.06.2022, ՀՕ-276-Ն10.07.2022, ՀՕ-160-Ն

25.03.2021, ՀՕ-127-Ն09.04.2021, ՀՕ-160-Ն
21.01.2020, ՀՕ-14-Ն22.02.2020, ՀՕ-160-Ն
24.10.2019, ՀՕ-201-Ն21.11.2019, ՀՕ-160-Ն
23.03.2018, ՀՕ-282-Ն09.04.2018, ՀՕ-160-Ն
01.03.2018, ՀՕ-132-Ն31.03.2018, ՀՕ-160-Ն
01.03.2017, ՀՕ-46-Ն08.04.2017, ՀՕ-160-Ն
17.05.2016, ՀՕ-52-Ն18.06.2016, ՀՕ-160-Ն
11.06.2014, ՀՕ-61-Ն01.07.2014, ՀՕ-160-Ն
12.12.2013, ՀՕ-165-Ն01.07.2014, ՀՕ-160-Ն
13.11.2012, ՀՕ-205-Ն01.01.2013, ՀՕ-160-Ն
19.03.2012, ՀՕ-121-Ն31.05.2012, ՀՕ-160-Ն
19.03.2012, ՀՕ-33-Ն12.04.2012, ՀՕ-160-Ն
17.11.2009, ՀՕ-218-Ն02.01.2010, ՀՕ-160-Ն
07.04.2009, ՀՕ-93-Ն16.05.2009, ՀՕ-160-Ն
08.04.2008, ՀՕ-11-Ն15.05.2008, ՀՕ-160-Ն
15.11.2006, ՀՕ-178-Ն30.12.2006, ՀՕ-160-Ն
15.06.2006, ՀՕ-125-Ն22.07.2006, ՀՕ-160-Ն
01.06.2006, ՀՕ-122-Ն16.07.2006, ՀՕ-160-Ն
Փոփոխված ակտ
Փոփոխող ակտՀամապատասխան ինկորպորացիան