Հոդված 2.

Ռազմական ոստիկանության գործունեությունը կարգավորվում է Հայաստանի
Հանրապետության Սահմանադրությամբ, միջազգային պայմանագրերով, սույն օրենքով, այլ
օրենքներով եւ այլ իրավական ակտերով:
(2-րդ հոդվածը լրաց. 20.12.17 ՀՕ-3-Ն)

Հոդված 3.

Ռազմական ոստիկանության գործունեությունն իրականացվում է օրինականության, անձի
իրավունքները եւ ազատությունները, պատիվն ու արժանապատվությունը հարգելու, օրենքի
առջեւ բոլորի հավասարության, մարդասիրության եւ հրապարակայնության, ինչպես նաեւ
կենտրոնացված կառավարման ու միանձնյա ղեկավարման սկզբունքների հիման վրա:

Հոդված 4.

1. Ռազմական ոստիկանությունը, օրենքին համապատասխան, ապահովում է՝
1) հետաքննության իրականացումը զինված ուժերում` զինվորական
հանցագործությունների վերաբերյալ գործերով, ինչպես նաեւ այն արարքների վերաբերյալ
գործերով, որոնք կատարվել են զորամասի տարածքում կամ վերագրվում են ժամկետային
ծառայության զինծառայողներին.
2) զինծառայողների կողմից նախապատրաստվող կամ կատարվող
հանցագործությունների նախականխումը, կանխումը եւ խափանումը.
3) լիազոր մարմնին ամրացված պետական գույքի պահպանությունը.
4) զինված ուժերի տրանսպորտային միջոցների նպատակային շահագործումը եւ անվտանգ
երթեւեկությունը.
5) կայազորային մեկուսարանների եւ կայազորային կարգապահական վաշտերի
գործունեությունը, ինչպես նաեւ այն զինծառայողների անվտանգությունը, որոնց նկատմամբ
օրենքով սահմանված կարգով կիրառվել է պաշտպանության միջոց:
2. Ռազմական ոստիկանությունը, իր խնդիրներին համապատասխան, աջակցում է զինված
ուժերում օրինականության եւ կարգապահության ամրապնդմանը, զորամասերում ու
զինվորական կառավարման մարմիններում անձնակազմի բարոյահոգեբանական վիճակի
ուսումնասիրմանը եւ իրավագիտակցության բարձրացմանը:
3. Ռազմական ոստիկանությունն իր խնդիրներն իրականացնելիս համագործակցում է
իրավապահ մարմինների հետ:
4. Ռազմական ոստիկանության առջեւ այլ խնդիրներ կարող են դրվել միայն օրենքով:
(4-րդ հոդվածը լրաց. 20.12.17 ՀՕ-3-Ն)

Հոդված 5.

1. Ռազմական ոստիկանության կառուցվածքն ու անձնակազմի թվակազմը հաստատում է
Հայաստանի Հանրապետության կառավարությունը՝ լիազոր մարմնի ներկայացմամբ:
2. Ռազմական ոստիկանությունը բաղկացած է կենտրոնական մարմնից, կենտրոնական
մարմնի ենթակայության ստորաբաժանումներից, տարածքային (ըստ կայազորների)
բաժիններից եւ դրանց ենթակա տեղական բաժանմունքներից:
3. Ռազմական ոստիկանության ընդհանուր ղեկավարումն իրականացնում է լիազոր
մարմնի ղեկավարը:
Ռազմական ոստիկանության անմիջական ղեկավարումն իրականացնում է ռազմական
ոստիկանության պետը, որին պաշտոնի նշանակում եւ պաշտոնից ազատում է Հայաստանի
Հանրապետության Նախագահը` Հայաստանի Հանրապետության վարչապետի
առաջարկությամբ:
(5-րդ հոդվածը լրաց., փոփ. 20.12.17 ՀՕ-3-Ն)

Հոդված 6.

1. Ռազմական ոստիկանության ծառայողը լիազոր մարմնի համակարգում զինվորական
ծառայություն անցնող զինծառայող է, որն իրականացնում է ռազմական ոստիկանության՝
սույն օրենքով եւ այլ օրենքներով սահմանված խնդիրներն ու լիազորությունները:
2. Ռազմական ոստիկանության ծառայողին տրվում է ծառայողական վկայական,
հաշվառման մետաղանիշ, ինչպես նաեւ համազգեստ, որը կարող է ունենալ հատուկ
տարբերանշաններ (կրծքանշանի, թեւկապի կամ այլ ձեւով): Համազգեստի եւ հատուկ
տարբերանշանների ձեւն ու կրման կարգը հաստատում է Հայաստանի Հանրապետության
կառավարությունը:
Ռազմական ոստիկանության ծառայող չհամարվող անձի կողմից ռազմական
ոստիկանության ծառայողի համազգեստի, ծառայողական վկայականի կամ հատուկ
տարբերանշանի օգտագործումն առաջացնում է պատասխանատվություն՝ օրենքով
սահմանված կարգով:
3. (մասն ուժը կորցրել է 20.12.17 ՀՕ-3-Ն)
4. Ռազմական ոստիկանության պաշտոնների համար սահմանվում է պաշտոնի անձնագիր,
որը ներառում է տվյալ պաշտոնն զբաղեցնող ռազմական ոստիկանության ծառայողի համար
սույն օրենքով եւ այլ օրենքներով սահմանված իրավունքների ու պարտականությունների
նկարագիրը եւ տվյալ պաշտոնը զբաղեցնելու համար ռազմական ոստիկանության ծառայողին
մասնագիտական գիտելիքների ու աշխատանքային ունակությունների տեսանկյունից
ներկայացվող պահանջները: Ռազմական ոստիկանության պաշտոնների անձնագրերը
սահմանում է լիազոր մարմնի ղեկավարը` ռազմական ոստիկանության պետի
ներկայացմամբ:

5. Ռազմական ոստիկանության ծառայողների մասնագիտական գիտելիքների եւ
աշխատանքային ունակությունների գնահատման, զբաղեցրած պաշտոնին
համապատասխանության եւ առաջխաղացման հեռանկարը որոշելու նպատակով կատարվում
է ատեստավորում, որի անցկացման կարգն ու պայմանները սահմանում է լիազոր մարմնի
ղեկավարը:
(6-րդ հոդվածը լրաց., փոփ. 20.12.17 ՀՕ-3-Ն)

Հոդված 8.

նախապատրաստվող կամ կատարվող հանցագործությունները կանխելիս եւ
խափանելիս

1. Ռազմական ոստիկանությունը զինծառայողների կողմից նախապատրաստվող կամ
կատարվող հանցագործությունները կանխելիս եւ խափանելիս իրավունք ունի օրենքով
սահմանված կարգով եւ հիմքերով՝
1) զորամասից դուրս գտնվող զինծառայողից, ինչպես նաեւ զինված ուժերի
տրանսպորտային միջոցը վարող անձից հանցագործություն կամ այլ իրավախախտում
կատարելու կասկածանքով բավարար հիմքի առկայության դեպքում պահանջելու անձը
հաստատող փաստաթղթեր եւ օրենքով սահմանված դեպքերում բերման ենթարկելու նրանց.
2) զինծառայողից, նրա հրամանատարից (պետից) պահանջելու եւ ստանալու անհրաժեշտ
տեղեկություններ, տեղեկանքներ, այլ փաստաթղթեր (կամ դրանց պատճենները), իսկ
պետական գաղտնիք պարունակող տեղեկությունները, տեղեկանքները եւ այլ փաստաթղթերը՝
իրավասու անձի (անձանց) համաձայնությամբ.
3) զորամասերի, զինվորական կառավարման մարմինների եւ այլ կազմակերպությունների
պաշտոնատար անձանց ներկայացնելու իրավախախտումների կատարման պատճառների ու
դրանց նպաստող պայմանների վերացմանն ուղղված պարտադիր քննարկման ենթակա
միջնորդագրեր ու առաջարկություններ:
2. Սույն հոդվածի առաջին մասում օգտագործվող «բավարար հիմքեր» արտահայտությունն
ընդգրկում է այն դեպքերը, երբ՝
ա) անձը բռնվել է հանցագործություն կամ վարչական իրավախախտում կատարելիս կամ
կատարելուց անմիջապես հետո.
բ) ականատեսները, այդ թվում՝ տուժողը, ուղղակի մատնանշում են տվյալ անձին՝ որպես
հանցագործությունը կամ վարչական իրավախախտումը կատարողի.
գ) տվյալ անձի կամ նրա հագուստի, նրա օգտագործած այլ իրերի վրա, նրա մոտ կամ նրա
բնակարանում կամ տրանսպորտային միջոցում հայտնաբերվել են հանցագործությանը կամ
վարչական իրավախախտմանն առնչվող բացահայտ հետքեր:
3. Սույն հոդվածով նախատեսված լիազորություններն իրականացնելիս ռազմական
ոստիկանությունն իրավունք ունի անցկացնելու օպերատիվ-հետախուզական միջոցառումներ՝
օրենքով իր իրավասությանը վերապահված շրջանակներում:
(8-րդ հոդվածը լրաց. 19.03.09 ՀՕ-62-Ն, փոփ. 01.03.23 ՀՕ-85-Ն)

Հոդված 9.

ամրացված պետական գույքի պահպանությունն ապահովելիս

Լիազոր մարմնին ամրացված պետական գույքի պահպանությունն ապահովելիս
ռազմական ոստիկանությունն օրենքով սահմանված կարգով եւ դեպքերում`
1) ձեռնարկում է անհրաժեշտ միջոցառումներ զինծառայողների կողմից լիազոր մարմնին
ամրացված պետական գույքի դեմ ուղղված հակաիրավական գործողությունները խափանելու
կամ վերացնելու ուղղությամբ.
2) վերահսկողություն է իրականացնում լիազոր մարմնին ամրացված պետական գույքի
նպատակային օգտագործման նկատմամբ.

3) հայտնաբերված թերությունների վերացման նպատակով գույքի պահպանության համար
պատասխանատու պաշտոնատար անձանց տալիս է պարտադիր կատարման
հանձնարարականներ:

Հոդված 10.

տրանսպորտային միջոցների նպատակային շահագործումը եւ անվտանգ
երթեւեկությունն ապահովելիս

1. Ռազմական ոստիկանությունը օրենքի շրջանակներում՝
1) իրականացնում է զինված ուժերի տրանսպորտային միջոցների գրանցում եւ հաշվառում.
2) կազմակերպում եւ անցկացնում է զինված ուժերի տրանսպորտային միջոցների, դրանց
կցորդների պետական տեխնիկական զննում.
3) իրականացնում է օրենքով վերապահված վարչական իրավախախտումների վերաբերյալ
գործերի քննություն.
4) իրականացնում է զինված ուժերի տրանսպորտային միջոցների, իսկ Հայաստանի
Հանրապետության օրենսդրությամբ սահմանված դեպքերում` նաեւ այլ տրանսպորտային
միջոցների ուղեկցում:
2. Զինված ուժերի տրանսպորտային միջոցները վարող անձանց կողմից ճանապարհային
երթեւեկության անվտանգությանն սպառնալու կամ դրա կանոնները խախտելու դեպքում
ռազմական ոստիկանությունն իրավունք ունի՝
1) կանգնեցնելու զինված ուժերի տրանսպորտային միջոցները, ստուգելու երթեւեկելու
իրավունք վերապահող եւ փոխադրվող բեռի փաստաթղթերը եւ կազմելու
արձանագրություններ.
2) արգելելու զինված ուժերի տեխնիկապես անսարք եւ երթեւեկության անվտանգությանն
սպառնացող տրանսպորտային միջոցների շահագործումը.
3) զննելու զինված ուժերի տրանսպորտային միջոցները, ինչպես նաեւ փոխադրվող բեռը.
4) արգելանքի վերցնելու զինված ուժերի՝ հետախուզման մեջ գտնվող եւ հայտնաբերված
տրանսպորտային միջոցները.
5) մեկուսացնելու զինված ուժերի տրանսպորտային միջոցներն անսթափ վիճակում վարող,
ինչպես նաեւ զինված ուժերի տրանսպորտային միջոց վարելու կամ դրանից օգտվելու
իրավունքը հավաստող փաստաթղթեր չունեցող անձանց՝ արգելանքի վերցնելով
տրանսպորտային միջոցը, իսկ բեռների առկայության դեպքում` ապահովելու դրանց
պահպանումը:
3. Ռազմական ոստիկանությունը հսկողություն է իրականացնում զինված ուժերի
տրանսպորտային միջոցների տեխնիկական սարքինության եւ անվտանգ շահագործման
կանոնների պահպանման, դրանց նպատակային օգտագործման նկատմամբ:
(10-րդ հոդվածը լրաց. 20.12.17 ՀՕ-3-Ն)

Հոդված 11.

մարմինների հետ

Ռազմական ոստիկանությունն իրավապահ մարմինների հետ համագործակցության
շրջանակներում`
1) գրավոր հարցման դեպքում իրավապահ մարմիններին տրամադրում է հետաքրքրող
տեղեկատվություն.
2) աջակցում է օպերատիվ-հետախուզական միջոցառումների եւ դատավարական
գործողությունների անցկացմանը, իր իրավասությանը հանձնված գործերով պահպանում է
դեպքի վայրը, որի կանոնները սահմանում է Հայաստանի Հանրապետության
կառավարությունը, զինծառայողների նկատմամբ կատարվող հանցագործությունների եւ այլ
իրավախախտումների կանխման, նախականխման, խափանման, հայտնաբերման ու
բացահայտման աշխատանքների իրականացմանը.
3) իրավապահ մարմիններին տեղեկացնում է ռազմական ոստիկանության կողմից
բացահայտված պետության, հասարակության կամ քաղաքացիների անվտանգությանն
սպառնացող վտանգի մասին:
(11-րդ հոդվածը լրաց. 01.03.18 ՀՕ-131-Ն)

Հոդված 11.1.

կայազորային կարգապահական վաշտերի գործունեության, ինչպես նաեւ
պաշտպանության միջոց կիրառված զինծառայողների անվտանգության
ապահովումը

1. Ռազմական ոստիկանությունն ապահովում է կայազորային մեկուսարանների
գործունեությունը` Հայաստանի Հանրապետության քրեակատարողական օրենսգրքով ու
«Ձերբակալված եւ կալանավորված անձանց պահելու մասին» Հայաստանի
Հանրապետության օրենքով քրեակատարողական հիմնարկների ու ձերբակալված եւ
կալանավորված անձանց պահելու վայրերի վարչակազմերի գործունեությունը սահմանող
պահանջներին համապատասխան: Կայազորային մեկուսարանների գործունեության
ապահովման շրջանակներում ռազմական ոստիկանությունն իրականացնում է կայազորային

մեկուսարաններից օրենքով սահմանված դեպքերում ժամկետային պարտադիր
զինծառայողներին հետագա ծառայությունը շարունակելու համար նշանակված զորամասեր
տեղափոխումը` լիազոր մարմնի ղեկավարի հրամանով սահմանված կարգով:
2. Ռազմական ոստիկանությունն ապահովում է կայազորային կարգապահական
վաշտերում օրենքով սահմանված կարգով գտնվող զինծառայողների կողմից օրվա
խստացված ռեժիմով ծառայության իրականացումը` «Հայաստանի Հանրապետության
զինված ուժերի ներքին ծառայության կանոնագիրքը հաստատելու մասին» Հայաստանի
Հանրապետության օրենքով համապատասխան պաշտոնատար անձանց գործունեությունը
սահմանող պահանջներին եւ օրվա խստացված կարգացուցակին համապատասխան:
3. Ռազմական ոստիկանությունն ապահովում է այն զինծառայողների անվտանգությունը,
որոնց նկատմամբ քրեական վարույթն իրականացնող մարմնի կողմից օրենքով սահմանված
կարգով ձեռնարկվել է պաշտպանության միջոց՝ ծառայության վայրը փոփոխելու ձեւով,
պաշտպանության միջոցի ձեռնարկման ժամանակահատվածում զինծառայողի զինվորական
ծառայությունն օրենքով սահմանված կարգով իրականացնելով ռազմական ոստիկանության
ենթակա զորամասում:
(11.1-ին հոդվածը լրաց. 20.12.17 ՀՕ-3-Ն)

Հոդված 13.

Իրավախախտումները կանխելու, խափանելու, իրավախախտներին ռազմական
ոստիկանություն ներկայացնելու, ռազմական ոստիկանության աշխատակցի օրինական
պահանջներին չենթարկվելու կամ դիմադրություն ցույց տալու դեպքերում, ինչպես նաեւ
ինքնապաշտպանության նպատակով ռազմական ոստիկանության ծառայողն իրավունք ունի
իրավախախտների նկատմամբ կիրառելու ֆիզիկական ուժ, եթե ոչ բռնի միջոցների
կիրառումը չի ապահովում նրա ծառայողական պարտականությունների օրինական եւ
իրավաչափ կատարումը:

Հոդված 14.

1. Ռազմական ոստիկանության ծառայողը հատուկ միջոցներ կարող է կիրառել հետեւյալ
դեպքերում.
1) իր կամ այլ անձի կյանքին եւ առողջությանն անմիջականորեն սպառնացող հարձակմանը

դիմակայելիս.
2) իր կամ այլ անձի կամ պահպանվող օբյեկտի, գույքի, ռազմական շարասյուների կամ
շարժակազմերի դեմ ուղղված հարձակումը կանխելիս, երբ իրավախախտը ֆիզիկական
դիմադրություն է ցույց տալիս.
3) հանցագործություն կամ վարչական իրավախախտում կատարած անձին
վնասազերծելիս, եթե նա փորձում է թաքնվել, կամ երբ ակնհայտ է, որ նա մտադիր է ցույց տալ
զինված դիմադրություն, եւ այլ ոչ բռնի մեթոդներով նրա վնասազերծումը հնարավոր չէ.
4) պահպանվող օբյեկտ մուտք գործելու փորձ կատարող տրանսպորտային միջոցը
կանգնեցնելու անհրաժեշտությունից ելնելով, եթե վարորդը չի կատարում մեքենան
կանգնեցնելու վերաբերյալ ռազմական ոստիկանության ծառայողի օրինական պահանջը.
5) ռազմական ոստիկանության ծառայողի հատուկ միջոցներին տիրանալու փորձը
կանխելիս:
2. Արգելվում է հատուկ միջոցների կիրառումը հղիության նկատելի նշաններ ունեցող
կանանց, հաշմանդամության ակնհայտ նշաններ ունեցող անձանց, ինչպես նաեւ
անչափահասների նկատմամբ, եթե նրանց տարիքն ակնհայտ է կամ հայտնի է ռազմական
ոստիկանության ծառայողին, բացառությամբ նշված անձանց կողմից զինված դիմադրություն
ցույց տալու, ռազմական ոստիկանության ծառայողի կամ այլ անձի կյանքին եւ առողջությանը,
պահպանվող օբյեկտի կամ գույքի անվտանգությանն սպառնացող զինված կամ խմբակային
այլ հարձակումը կանխելու դեպքերի:
3. Ռազմական ոստիկանության ծառայողի կողմից հատուկ միջոցների կիրառումը չպետք է
խախտի այլ անձանց օրինական իրավունքներն ու ազատությունները, վնաս հասցնի նրանց
կյանքին եւ առողջությանը, շրջակա միջավայրին:

Հոդված 15.

1. Ռազմական ոստիկանության ծառայողն իրավունք ունի զենք կիրառելու հետեւյալ
դեպքերում.
1) իր կամ այլ անձի կամ պահպանվող օբյեկտի, գույքի, շարասյուների կամ շարժակազմերի
վրա կատարվող խմբակային կամ այլ զինված հարձակումը կանխելիս, եթե զենք չկիրառելը
կարող է անմիջական վտանգ ստեղծել իր, այլ անձի կյանքի եւ առողջության կամ պահպանվող
օբյեկտի կամ գույքի համար.
2) զենքի կիրառման մասին նախազգուշացնելու (օդ կրակելով), ինչպես նաեւ տագնապի
ազդանշան կամ օգնության կանչ տալու նպատակով.
3) իր զենքին տիրանալու փորձը կանխելիս.
4) հանցագործություն կատարած անձին վնասազերծելիս, երբ ակնհայտ է, որ նա մտադիր
է ցույց տալ զինված դիմադրություն, եւ այլ ոչ բռնի մեթոդներով նրա վնասազերծումը
հնարավոր չէ:
2. Արգելվում է զենք կիրառել մարդկանց կուտակումների վայրերում, երբ կարող են
վտանգի ենթարկվել կողմնակի անձինք, հղիության նկատելի նշաններ ունեցող կանանց,
հաշմանդամության ակնհայտ նշաններ ունեցող անձանց, ինչպես նաեւ անչափահասների
նկատմամբ, եթե նրանց տարիքն ակնհայտ է կամ հայտնի է ռազմական ոստիկանության
ծառայողին, բացառությամբ նշված անձանց կողմից զինված դիմադրություն ցույց տալու,
ռազմական ոստիկանության ծառայողի կամ այլ անձի կյանքին եւ առողջությանը,
պահպանվող օբյեկտի կամ գույքի անվտանգությանն սպառնացող զինված կամ խմբակային
այլ հարձակումը կանխելու դեպքերի:
3. Զենքի յուրաքանչյուր կիրառման դեպքում ռազմական ոստիկանության ծառայողը
պարտավոր է այդ մասին տեղեկացնել իր հրամանատարին (պետին) եւ դատախազին:

Հոդված 16.

միջոցները

1. Անհատական պաշտպանության ապահովման համար ռազմական ոստիկանության
ծառայողն իրավունք ունի օգտագործելու սաղավարտ, վահան, զրահաբաճկոն եւ հակագազ։
2. Ռազմական ոստիկանության ծառայողի կողմից անհատական պաշտպանության
միջոցներն օգտագործվում են՝
1) պահպանվող զինվորական օբյեկտների, ինչպես նաեւ զինվորական տրանսպորտային
միջոցների վրա հարձակումները կասեցնելիս եւ հետ մղելիս.
2) զինվորական ստորաբաժանումներում, այդ թվում՝ Հայաստանի Հանրապետության
պաշտպանության նախարարության կայազորային կարգապահական մեկուսարաններում
կամ կարգապահական գումարտակում զանգվածային անկարգությունների ժամանակ.
3) զորավարժությունների, ինչպես նաեւ իրավապահ այլ մարմինների հետ
համագործակցությամբ իրականացվող միջոցառումների ընթացքում:
(16-րդ հոդվածը խմբ. 26.05.08 ՀՕ-73-Ն)

Հոդված 17.

պետական երաշխիքները

1. Ռազմական ոստիկանության ծառայողը գտնվում է օրենքի եւ պետության
պաշտպանության ներքո: Օրենքով չլիազորված մարմինների կամ պաշտոնատար անձանց
միջամտությունը ռազմական ոստիկանության գործունեությանն արգելվում է:
2. Ռազմական ոստիկանության ծառայողի օրինական պահանջների կատարումը
պարտադիր է զինված ուժերի բոլոր զինծառայողների համար: Դրանք չկատարելը կամ
ռազմական ոստիկանության ծառայողի պարտականությունների կատարմանը խոչընդոտելն
առաջացնում է պատասխանատվություն՝ օրենքով սահմանված կարգով:
3. Ռազմական ոստիկանության ծառայողն իր պարտականությունները կատարելիս
ենթարկվում է միայն իր հրամանատարին (պետին): Արգելվում է ռազմական ոստիկանության
ծառայողին ստիպել կատարելու սույն օրենքով եւ այլ իրավական ակտերով իրեն
չվերապահված լիազորություններ:
4. Պետերից (անմիջական կամ ուղղակի) կամ այլ լիազորված պաշտոնատար անձանցից
օրենքին հակասող հրամաններ ստանալիս ռազմական ոստիկանության ծառայողը
պարտավոր է ղեկավարվել միայն օրենքով եւ այդ մասին տեղյակ պահել վերադասին:
5. Ակնհայտ անօրինական հրամանով կամ կարգադրությամբ դիտավորյալ հանցանք
կատարած ռազմական ոստիկանության ծառայողը, ինչպես նաեւ անօրինական հրաման կամ
կարգադրություն տվող պաշտոնատար անձը պատասխանատվություն են կրում ընդհանուր
հիմունքներով, իսկ անօրինական հրամանը կամ կարգադրությունը չկատարելը բացառում է
պատասխանատվությունը:
(17-րդ հոդվածը փոփ. 20.12.17 ՀՕ-3-Ն)

Հոդված 18.

(վերնագիրը խմբ. 20.12.17 ՀՕ-3-Ն)

1. Ռազմական ոստիկանության ծառայողի սոցիալական, այդ թվում` կենսաթոշակային
ապահովությունն իրականացվում է օրենքով սահմանված կարգով:
(18-րդ հոդվածը խմբ. 20.12.17 ՀՕ-3-Ն)

Հոդված 19.

ապահովումը

Ռազմական ոստիկանության ֆինանսավորումը եւ նյութատեխնիկական ապահովումն
իրականացվում է Հայաստանի Հանրապետության պետական բյուջեի միջոցների հաշվին:

Հոդված 21.

Ռազմական ոստիկանության գործունեության նկատմամբ հսկողությունն իրականացնում է
լիազոր մարմինը` վերադասության կարգով, իսկ հետաքննության օրինականության
նկատմամբ հսկողությունը՝ Հայաստանի Հանրապետության դատախազությունը՝ օրենքով
սահմանված կարգով:

Հոդված 22.

Սույն օրենքն ուժի մեջ է մտնում պաշտոնական հրապարակմանը հաջորդող տասներորդ
օրվանից:
Հայաստանի Հանրապետության
ՆախագահՌ. Քոչարյան
2007 թ. հունվարի 13
Երեւան
ՀՕ-13-Ն
Փոփոխման պատմություն
Փոփոխող ակտՀամապատասխան ինկորպորացիան
12.06.2024, ՀՕ-284-Ն---------
01.03.2023, ՀՕ-85-Ն06.04.2023, ՀՕ-13-Ն
01.03.2018, ՀՕ-131-Ն31.03.2018, ՀՕ-13-Ն
20.12.2017, ՀՕ-3-Ն27.01.2018, ՀՕ-13-Ն
19.03.2009, ՀՕ-62-Ն25.04.2009, ՀՕ-13-Ն
26.05.2008, ՀՕ-73-Ն05.07.2008, ՀՕ-13-Ն
Փոփոխված ակտ
Փոփոխող ակտՀամապատասխան ինկորպորացիան