Հոդված 1. Ամանոր եւ Ծննդյան տոներ՝ նշվում են դեկտեմբերի 31-ից հունվարի 2-ը ներառյալ (Ամանոր) եւ հունվարի 6-ին (Սուրբ Ծնունդ եւ Հայտնություն), ոչ աշխատանքային օրեր: (1-ին հոդվածը խմբ. 10.12.09 ՀՕ-221-Ն, 17.11.21 ՀՕ-362-Ն) Հոդված 1.1. (հոդվածն ուժը կորցրել է 17.11.21 ՀՕ-362-Ն) Հոդված 2. Բանակի օր՝ նշվում է հունվարի 28-ին, ոչ աշխատանքային օր: (2-րդ հոդվածը լրաց. 20.11.02 ՀՕ-466-Ն) Հոդված 2 1 . Մայրենի լեզվի օր՝ նշվում է փետրվարի 21-ին: (2 1 -ին հոդվածը լրաց. 11.04.05 ՀՕ-80-Ն) Հոդված 2 2 . Ադրբեջանական ԽՍՀ-ում կազմակերպված ջարդերի զոհերի հիշատակի եւ բռնագաղթված հայ բնակչության իրավունքների պաշտպանության օր` նշվում է փետրվարի 28-ին: (2 2 -րդ հոդվածը լրաց. 25.05.05 ՀՕ-105-Ն) Հոդված 3. Կանանց տոն՝ նշվում է մարտի 8-ին, ոչ աշխատանքային օր: Հոդված 4. Մայրության եւ գեղեցկության տոն` նշվում է ապրիլի 7-ին: (4-րդ հոդվածը խմբ. 07.05.02 ՀՕ-335) Հոդված 4.1. Հայաստանի Հանրապետության քաղաքացու օր՝ նշվում է ապրիլի վերջին շաբաթ օրը: Մայիսի 1-ը շաբաթ օրվա հետ համընկնելու դեպքում Հայաստանի Հանրապետության քաղաքացու օրը նշվում է ապրիլի վերջին կիրակի օրը: (4.1-ին հոդվածը լրաց. 09.04.19 ՀՕ-14-Ն)

Հոդված 4.2. Հայ կինոյի օր՝ նշվում է ապրիլի 16-ին: (4.2-րդ հոդվածը լրաց. 19.06.19 ՀՕ-83-Ն) Հոդված 4.3. Հարկ վճարողի օր՝ նշվում է ապրիլի 19-ին: (4.3-րդ հոդվածը լրաց. 05.05.21 ՀՕ-191-Ն) Հոդված 5. Հայոց ցեղասպանության զոհերի հիշատակի օր՝ նշվում է ապրիլի 24-ին, ոչ աշխատանքային օր: (5-րդ հոդվածը փոփ. 07.04.15 ՀՕ-15-Ն) Հոդված 6. Աշխատանքի օր՝ նշվում է մայիսի 1-ին, ոչ աշխատանքային օր: Հոդված 7. Երկրապահի օր՝ նշվում է մայիսի 8-ին: Հոդված 8. Հաղթանակի եւ խաղաղության տոն՝ նշվում է մայիսի 9-ին, ոչ աշխատանքային օր: Հոդված 8.1. Ընտանիքի օր` նշվում է մայիսի 15-ին: (8.1-ին հոդվածը լրաց. 11.05.11 ՀՕ-142-Ն) Հոդված 8.2. Ուսանողների եւ երիտասարդների օր՝ նշվում է մայիսի 16-ին: (8.2-րդ հոդվածը լրաց. 21.12.15 ՀՕ-187-Ն) Հոդված 9. Հանրապետության տոն՝ նշվում է մայիսի 28-ին, ոչ աշխատանքային օր: Հոդված 10. Երեխաների իրավունքների պաշտպանության օր՝ նշվում է հունիսի 1-ին: Հոդված 10 1 . Բռնադատվածների հիշատակի օր` նշվում է հունիսի 14-ին: (10 1 -ին հոդվածը լրաց. 31.05.06 ՀՕ-100-Ն) Հոդված 10.2. Հայրերի օր՝ նշվում է հունիսի 17-ին: (10.2-րդ հոդվածը լրաց. 24.10.24 ՀՕ-370-Ն) Հոդված 11. Սահմանադրության օր՝ նշվում է հուլիսի 5-ին, ոչ աշխատանքային օր: Նույն օրը նշվում է նաեւ որպես պետական խորհրդանիշների օր: (11-րդ հոդվածը լրաց. 01.03.17 ՀՕ-67-Ն) Հոդված 11.1. 2014 թվականի՝ Սինջարի եզդիների ցեղասպանության զոհերի հիշատակի օր՝ նշվում է օգոստոսի 3-ին: (11.1-ին հոդվածը լրաց. 16.04.24 ՀՕ-147-Ն) Հոդված 12. Գիտելիքի եւ դպրության օր՝ նշվում է սեպտեմբերի 1-ին: (12-րդ հոդվածը փոփ. 11.04.05 ՀՕ-80-Ն) Հոդված 13. Անկախության տոն՝ նշվում է սեպտեմբերի 21-ին, ոչ աշխատանքային օր: Հոդված 13.1. Ուսուցչի օր` նշվում է հոկտեմբերի 5-ին: (13.1-ին հոդվածը լրաց. 05.10.10 ՀՕ-134-Ն) Հոդված 13.2. Հայաստանի Հանրապետության ազգային փոքրամասնությունների օր՝ նշվում է հոկտեմբերի առաջին կիրակի օրը: (13.2-րդ հոդվածը լրաց. 03.03.21 ՀՕ-82-Ն) Հոդված 14. Թարգմանչաց տոն՝ նշվում է հոկտեմբերի երկրորդ շաբաթ օրը: Հոդված 14.1. Տեղական ինքնակառավարման օր` նշվում է նոյեմբերի 10-ին: (14.1-ին հոդվածը լրաց. 14.04.11 ՀՕ-127-Ն) Հոդված 15. Երկրաշարժի զոհերի հիշատակի եւ աղետներին դիմակայունության օր՝ նշվում է դեկտեմբերի 7-ին: (15-րդ հոդվածը լրաց. 24.10.19 ՀՕ-191-Ն) Հոդված 15.1. Ցեղասպանությունների դատապարտման եւ կանխարգելման օր՝ նշվում է դեկտեմբերի 9-ին: (15.1-ին հոդվածը լրաց. 07.04.15 ՀՕ-15-Ն)

Հոդված 16. Սուրբ Վարդանանց տոն՝ բարի գործի եւ ազգային տուրքի օր՝ նշվում է Սուրբ Զատիկից 8 շաբաթ առաջ՝ հինգշաբթի օրը: Հոդված 17. Սուրբ Էջմիածնի տոն` նշվում է Սուրբ Զատիկից 64 օր հետո` կիրակի օրը: (17-րդ հոդվածը լրաց. 26.09.01 ՀՕ-228) Հոդված 18. Հայաստանի Հանրապետությունում կարող են նշվել նաեւ ավանդական եւ եկեղեցական տոներ, միջազգային օրեր, իսկ կառավարության որոշմամբ՝ մասնագիտական եւ այլ տոներ ու հիշատակի օրեր: (18-րդ հոդվածը փոփ. 26.09.01 ՀՕ-228, լրաց. 10.06.09 ՀՕ-148-Ն) Հոդված 19. Հայաստանի Հանրապետության տոների եւ հիշատակի օրերի հետ կապված, ինչպես նաեւ բացառիկ նշանակության իրադարձությունների կապակցությամբ՝ կառավարությունը կարող է աշխատանքային օրերը տեղափոխել: (19-րդ հոդվածը փոփ. 26.09.01 ՀՕ-228, լրաց. 05.10.18 ՀՕ-394-Ն) Հոդված 20. Ազգային փոքրամասնություններին պատկանող՝ Հայաստանի Հանրապետության քաղաքացիները կարող են նշել իրենց ազգային տոները եւ հիշատակի օրերը, եթե դրանք չեն հակասում Հայաստանի Հանրապետության օրենսդրությանը: (20-րդ հոդվածը փոփ. 26.09.01 ՀՕ-228) Հոդված 21. Սույն օրենքն ուժի մեջ մտնելու պահից ուժը կորցրած ճանաչել 1996 թվականի մարտի 16-ի՝ «Հայաստանի Հանրապետության տոների եւ հիշատակի օրերի մասին» Հայաստանի Հանրապետության օրենքը՝ հետագա փոփոխություններով եւ լրացումներով հանդերձ: (21-րդ հոդվածը փոփ. 26.09.01 ՀՕ-228) Հոդված 22. Սույն օրենքն ուժի մեջ է մտնում պաշտոնական հրապարակման պահից: (22-րդ հոդվածը փոփ. 26.09.01 ՀՕ-228) Հայաստանի Հանրապետության ՆախագահՌ. Քոչարյան Երեւան 6 օգոստոսի 2001 թ. ՀՕ-200 Փոփոխման պատմություն Փոփոխող ակտՀամապատասխան ինկորպորացիան 24.10.2024, ՀՕ-370-Ն18.11.2024, ՀՕ-200 16.04.2024, ՀՕ-147-Ն13.05.2024, ՀՕ-200 17.11.2021, ՀՕ-362-Ն01.12.2021, ՀՕ-200 05.05.2021, ՀՕ-191-Ն19.05.2021, ՀՕ-200 03.03.2021, ՀՕ-82-Ն26.03.2021, ՀՕ-200 24.10.2019, ՀՕ-191-Ն21.11.2019, ՀՕ-200 19.06.2019, ՀՕ-83-Ն11.07.2019, ՀՕ-200 09.04.2019, ՀՕ-14-Ն10.04.2019, ՀՕ-200 05.10.2018, ՀՕ-394-Ն09.10.2018, ՀՕ-200 01.03.2017, ՀՕ-67-Ն06.04.2017, ՀՕ-200 21.12.2015, ՀՕ-187-Ն31.12.2015, ՀՕ-200 07.04.2015, ՀՕ-15-Ն23.04.2015, ՀՕ-200 11.05.2011, ՀՕ-142-Ն25.05.2011, ՀՕ-200 14.04.2011, ՀՕ-127-Ն14.05.2011, ՀՕ-200 05.10.2010, ՀՕ-134-Ն30.10.2010, ՀՕ-200 10.12.2009, ՀՕ-221-Ն24.12.2009, ՀՕ-200 10.06.2009, ՀՕ-148-Ն11.07.2009, ՀՕ-200 31.05.2006, ՀՕ-100-Ն07.07.2006, ՀՕ-200 25.05.2005, ՀՕ-105-Ն25.06.2005, ՀՕ-200 11.04.2005, ՀՕ-80-Ն21.05.2005, ՀՕ-200 20.11.2002, ՀՕ-466-Ն26.12.2002, ՀՕ-200 07.05.2002, ՀՕ-33519.06.2002, ՀՕ-200 26.09.2001, ՀՕ-22818.10.2001, ՀՕ-200 Փոփոխված ակտ Փոփոխող ակտՀամապատասխան ինկորպորացիա