Հոդված 1. Հայաստանի Հանրապետությունում ջրամատակարարման, ջրահեռացման եւ կեղտաջրերի մաքրման ծառայություններ մատուցող ընկերության համար վարձակալության ամբողջ ժամանակահատվածում բնապահպանական հարկը հաշվարկվում եւ վճարվում են ջրային ռեսուրս արտանետվող կեղտաջրերում վնասակար նյութերի եւ միացությունների սահմանային թույլատրելի արտահոսքերի նորմերի (իսկ նորմերը չգերազանցելու դեպքում` փաստացի չափաքանակների), ընկերության կողմից ջրային ռեսուրս արտանետվող կեղտաջրերի փաստացի ծավալների եւ Հայաստանի Հանրապետության հարկային օրենսգրքի 169-րդ հոդվածի 1-ին եւ 2-րդ մասերով (հաշվի առնելով 5-րդ մասի դրույթները) սահմանված դրույքաչափերի արտադրյալի չափով: Հայաստանի Հանրապետությունում ջրամատակարարման, ջրահեռացման եւ կեղտաջրերի մաքրման ծառայություններ մատուցող ընկերությունը, ղեկավարվելով Հայաստանի Հանրապետության ջրային օրենսգրքի 67-րդ հոդվածով, ջրային ռեսուրսների կառավարման եւ պահպանության մարմին է ներկայացնում իր գործողությունների աստիճանական բարելավման պլան: (1-ին հոդվածը փոփ. 21.12.17 ՀՕ-301-Ն) Հոդված 2. «Երեւան Ջուր» փակ բաժնետիրական ընկերությանը բնապահպանական վճարների գծով արտոնություններ սահմանելու մասին» Հայաստանի Հանրապետության 2006 թվականի հունիսի 1-ի ՀՕ-99-Ն օրենքն ուժը կորցրած ճանաչել: Հոդված 3. Սույն օրենքն ուժի մեջ է մտնում 2017 թվականի հունվարի 1-ից: Հայաստանի Հանրապետության Հայաստանի Հանրապետության ՆախագահՍ. Սարգսյան 2016 թ. հուլիսի 18 Երեւան ՀՕ-131-Ն Փոփոխման պատմություն Փոփոխող ակտՀամապատասխան ինկորպորացիան 21.12.2017, ՀՕ-301-Ն01.01.2018, ՀՕ-131-Ն Փոփոխված ակտ Փոփոխող ակտՀամապատասխան ինկորպորացիա